«Միասնական հայրենիքը» պարզապանում է, թե ինչու չի միացել
Արցախի Հանրապետության Ազգային ժողովի «Միասնական հայրենիք» խմբակցությունը, ի պատասխան ԶԼՄ-ների հարցումների, համանուն կուսակցության ֆեյսբուքի էջում պարզաբանում է տարածել խորհրդարանի «Արդարություն», «ԱԺԿ» և «ՀՅԴ» խմբակցությունների՝ ՀՀ-ում ՌԴ խորհրդական-դեսպանորդի՝ Լաչինի միջանցքի առնչությամբ հայտարարության վերաբերյալ լրացուցիչ պարզաբանումներ ստանալու նպատակով Արցախում տեղակայված ռուսական խաղաղապահ զորախմբի ղեկավարությանը դիմելու նախաձեռնությանը չմիանալու վերաբերյալ։
ԱՀ ԱԺ «Միասնական հայրենիք» խմբակցության հայտարարությունում ասված է. «Ս․թ․ օգոստոսի 19-ին մամուլը տեղեկատվություն տարածեց այն մասին, որ ԱՀ Ազգային ժողովի «Արդարություն», «ԱԺԿ» և «ՀՅԴ» խմբակցությունները դիմել են Արցախում տեղակայված ռուսական խաղաղապահ զորախմբի ղեկավարությանը՝ ՀՀ-ում ՌԴ խորհրդական-դեսպանորդի՝ Լաչինի միջանցքի առնչությամբ հայտարարության վերաբերյալ լրացուցիչ պարզաբանումներ ստանալու նպատակով։
Սույն նախաձեռնությանը «Միասնական հայրենիք» խմբակցության չմիանալու կապակցությամբ պարզաբանում ենք․
«Միասնական հայրենիք» խմբակցությունը նախաձեռնության մասին տեղեկացել է մամուլի հրապարակումներից, ուստի մեր կողմից դրան միանալու կամ չմիանալու վերաբերյալ «Արդարություն» խմբակցության ներկայացուցիչների շահարկումներն արհեստական են։
«Միասնական հայրենիք» խմբակցության կողմից ազգային-անվտանգային հարցերի շուրջ «Արդարություն» խմբակցության հետ պարբերաբար համագործակցության փորձեր են նախաձեռնվել, որոնք վերջինիս ղեկավարության կողմից ստորադասվել են նեղ քաղաքական ձգտումներին: Խիստ տարակուսելի է ոչ միայն «Արդարություն» խմբակցությանն ընդդիմադիր որակելը, այլև ընդդիմադիր քողի ներքո նրա ներկայացուցիչների քաղաքական սեթևեթանքները, դիցուք՝ սույն նախաձեռնությունը։
Սույն խմբակցությունը, ռուսական խաղաղապահ զորախմբի հետ ցուցադրական հանդիպում նախաձեռնելու փոխարեն, կարող է մանրամասն պարզաբանումներ ստանալ իր նախընտրական ցուցակը գլխավորած, ռուսական և ադրբեջանական կողմի հետ բանակցություններ վարող ու համաձայնություններ ստորագրող ԱԽ քարտուղարից։
«Միասնական հայրենիք» խմբակցությունը ստիպված է Աժ «Արդարություն» խմբակցությանը հիշեցնել, որ Աժ-ում գտնվելու իրենց նպատակն ու գործառույթը «Միասնական հայրենիք» խմբակցությունից և նրա առաջնորդ Սամվել Բաբայանից ունեցած կոմպլեքսների հանրայնացումը չէ։ Եվս մեկ անգամ ընդգծում ենք, որ հայության համար այս բախտորոշ շրջանում, հնարավոր կարող ուժերը մեկտեղելու փոխարեն, քաղաքական լարախաղացությամբ զբաղվելը չի բխում Արցախի և համայն հայության առջև ծառացած մարտահրավերներից»։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո