Բելառուսը «Բանակ-2020»-ին նոր լողացող զրահափոխադրիչ է ցուցադրել

«Մինսկի անվային քարշակների գործարանը» «Բանակ-2020» ֆորումին ներկայացրել է նոր MZKT-690003 (V-2) լողացող զրահափոխադրիչը, հայտնում է «ՌԻԱ Նովոստի»-ն։

Ֆորումին ցուցադրվում է զրահափոխադրիչի նախատիպը, որը փորձարկումներ է անցել եւ պատրաստ է վաճառքի։ Մեքենան էներգիա կլանող նստատեղեր եւ կախովի հատակ է ստացել, որը մեղմացնում է հարվածային ալիքը պայթյունի ժամանակ։ Զրահափոխադրիչը կարող է անձնակազմ տեղափոխել, կրակային աջակցություն ցուցաբերել եւ պայքարել զրահամեքենաների դեմ։ Զրահափոխադրիչը կշռում է 22 տոննա, դրա արագությունը մայրուղու վրա կարող է ժամում 110 կմ-ի հասնել, այն լողում է ժամում մինչեւ 10 կմ արագությամբ։