Չինաստանի հետ առեւտրային պատերազմը թանկ կնստի Գերմանիայի վրա

Գերմանիայի ծախսերը վեց անգամ ավելի կբարձրանան, քան Brexit-ի դեպքում, եթե Գերմանիան եւ ԵՄ-ը փակեն տնտեսությունը Չինաստանի համար, ասել է Ifo ինստիտուտը՝ հղում կատարելով հետազոտության արդյունքներին։

Չինաստանի հետ առեւտրային պատերազմում ամենամեծ տանուլ տվողները կդառնան ավտոմեքենաշինությունը՝ 8,47 տոկոս ավելացված արժեքի հարկի կորստով, տրանսպորտային սարքավորումների արտադրողները՝ կորուստը 5,14 տոկոս, եւ մեքենաշինությունը՝ 4,34 տոկոս կորստով, տեղեկացրել է Ifo-ն։

vbw ճյուղային ասոցիացիայի պատվերով իրականացված հետազոտության հեղինակները հայտարարել են, որ ընկերությունները պետք է նկատի ունենան այլ երկրները, որպեսզի նվազեցնեն կախումը որոշակի շուկաներից եւ «ավտորիտար ռեժիմներից»։

Գերմանիայի եւ ԵՄ-ի տնտեսական քաղաքականության նպատակը պետք է լինի «ռազմավարական գործընկերության հաստատումը եւ ազատ առեւտրի մասին համաձայնագրերը համախոհ երկրների հետ, ինչպիսին ԱՄՆ-ն է»,- ասել է համահեղինակ Ֆլորիան Դոռնը։

Վերլուծությունը մոդելավորել է հինգ սցենար, այդ թվում որոշակի արեւմտյան տնտեսությունների առանձնացումը Չինաստանից՝ ԵՄ-ի եւ ԱՄՆ-ի միջեւ առեւտրային համաձայնության համադրմամբ։

Չնայած նման համաձայնագիրը կարող էր մեղմել Չինաստանի հետ առեւտրային պատերազմի հետեւանքները, այն չէր փոխհատուցի դրանք լիովին։ Ավելի շուտ դա կհանգեցնի այն բանին, որ առեւտրային պատերազմի զուտ ծախսերը մոտավորապես կհավասարվեն Brexit-ի դեպքում սպասվող ծախսերին։