Համաշխարհային հանրությունն աշխարհաքաղաքական մեծ փոփոխությունների շեմին է. Չավուշօղլու
Համաշխարհային հանրությունն աշխարհաքաղաքական մեծ փոփոխությունների շեմին է, որոնք ուղեկցվում են անկայունությամբ եւ խոչընդոտներով պետությունների զարգացման ճանապարհին։ Այս մասին ասել է Թուրքիայի արտաքին գործերի նախարար Մեւլութ Չավուշօղլուն Անկարայում Թուրքիաի դեսպանների 13-րդ համաժողովի բացման ժամանակ ունեցած ելույթում, տեղեկացրել է «Անադոլու»-ն։
Նրա խոսքով՝ առաջատար աշխարհաքաղաքական խաղացողները կոշտ դիմակայության մեջ են, եւ դա բազմաթիվ պատճառներ ունի։ Նա նշել է, որ Անկարայի հետ սերտ երկխոսության եւ գործընկերության կարիք ունի նաեւ Եվրամիությունը։ «Մեր երկիրը որեւէ երկրի թշնամին չէ։ Բոլոր նրանք, ովքեր հակառակն են պնդում, անաչառ չեն»,- ասել է Չավուշօղլուն։
Նա նշել է, որ Ուկրաինայի վերաբերյալ Անկարայի ջանքերը, այդ թվում՝ «հացահատիկի համաձայնագրի» ձեռքբերման առումով, թուրքական դիվանագիտության «ցուցափեղկն» են։ «Թուրքիան հանդես է գալիս հանուն Ուկրաինայում արդար խաղաղության։ Մենք ուժեղ աջակցություն ենք ցուցաբերում Կիեւին եւ ակտիվորեն առաջ ենք մղում երկխոսության գաղափարը, այդ թվում՝ շնորհիվ նախագահ Ռեջեփ Թայիփ Էրդողանի ջանքերի։ Ռուսաստանը եւ Ուկրաինան մինչ այդ շփվել են Անթալիայում եւ Ստամբուլում»,- նշել է նախարարը։
«Այս պատերազմը վաղ թե ուշ ավարտվելու է։ Մեզ համար գլխավորը ընդհանուր շահերի պաշտպանությունն է։ Եվրոպայում անվտանգության նոր համակարգի ձեւավորման գործընթացում պետք է գործել խիստ մտածված։ Թուրքիան արդեն այսօր պատրաստվում է դրան»,- ասել է Չավուշօղլուն։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են