Միջուկային պատերազմը կոչնչացնի մոլորակը. ՄԱԿ գլխավոր քարտուղար
ՄԱԿ գլխավոր քարտուղար Անտոնիու Գուտերիշը միջուկային զենք ունեցող երկրներին կոչ է արել հավատարիմ մնալ հանձն առած պարտավորություններին եւ առաջինը չկիրառել իրենց միջուկային զինանոցը՝ նախազգուշացնելով, որ միջուկային սպառազինությունների մրցավազքը վերականգնվել է աճող միջազգային լարվածության համատեքստում։
«Եկել է պահը... խնդրելու միջուկային զենք ունեցող երկրներին, որ հանձն առնեն պահպանելու իրենց պարտավորությունները՝ առաջինը չկիրառել եւ չսպառնալ միջուկային զենքով»,- ասել է Գուտերիշը Տոկիոյի մամուլի ասուլիսում։ «Ես կարծում եմ, որ ոչ ոք չի կարող ընդունել միտքն այն մասին, որ տեղի կունենա նոր միջուկային պատերազմ։ Դա կնշանակի մոլորակի ոչնչացում»,- ասել է Գուտերիշը։ «Պարզ է մի բան. եթե ոչ ոք այն առաջինը չկիրառի, միջուկային պատերազմ չի լինի»։
Նրա խոսքով՝ ցանկացած գրոհ Զապորոժյան ԱԷԿ-ի դեմ «ինքնասպանություն» է։ Նա նշել է, որ լիովին աջակցում է Ատոմային էներգիայի միջազգային գործակալությանը՝ կայունացնելու իրավիճակը եւ հնարավորություն ունենալու այցելել օբյեկտ՝ իր մանդատի կատարման համար։
Գուտերիշն ասել է, որ միջուկային լիցքաթափման տասնամյակների ջանքերից հետո աշխարհն այժմ «հետ է ընթանում»՝ նշելով, որ աշխարհում արդեն 13 000 միջուկային ռումբ կա, կատարվում են հսկայական ներդրումներ ատոմային զինանոցների արդիականացման համար։ «Միլիարդները, որոնք օգտագործվում են սպառազինությունների այդ մրցավազքի համար, պետք է օգտագործվեն կլիմայի փոփոխության, աղքատության դեմ պայքարի, միջազգային հանրության պահանջները բավարարելու նպատակով»,- ասել է նա՝ ավելացնելով, որ կայցելի Մոնղոլիա եւ Հարավային Կորեա, որպեսզի քննարկի Հյուսիսային Կորեայի միջուկային մշակումների խնդրի լուծման ուղիները։
Այն ժամանակ, երբ աշխարհաքաղաքական լարվածությունն աճում է, իսկ միջուկային սպառնալիքը նորից ուշադրության կենտրոնում է, Ճապոնիայի ուժեղ եւ հետեւողական ձայնը խաղաղության մասին կարեւոր է ինչպես երբեք, ասել է Գուտերիշը՝ Ճապոնիային կոչ անելով օգտագործել իր ունիկալ դիրքը՝ որպես միակ երկիրն աշխարհում, որը տուժել է ատոմային գրոհից, որպեսզի գործի «որպես կամուրջներ կառուցող եւ խաղաղարար՝ գլոբալ համագործակցության, վստահության եւ արդարության ամրապնդման համար»։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են