Կրեմլը հայտնել է, թե ինչ են քննարկելու Պուտինը եւ Էրդողանը Սոչիում

Սոչիում ՌԴ նախագահ Վլադիմիր Պուտինը եւ Թուրքիայի նախագահ Ռեջեփ Էրդողանը կքննարկեն Սիրիայի, Ուկրաինայի իրավիճակը, կհամապատասխանեցնեն ժամանակացույցը՝ կապված Ուկրաինայի նավահանգիստներից հացահատիկի արտահանման հետ։ Այս մասին հայտարարել է ՌԴ նախագահի խոսնակ Դմիտրի Պեսկովը, հաղորդում է «ՌԻԱ Նովոստին»։

Նա նշել է, որ նախագահների բանակցությունները նվիրված է երկկողմ համագործակցությանը։ «Դա ե՛ւ տնտեսությունն է, ե՛ւ տարածաշրջանային խնդիրները, ե՛ւ Սիրիան, ե՛ւ Ուկրաինան, ինչպես նաեւ լավ հնարավորություն է՝ համապատասխանեցնելու ժամանակացույցը ուկրաինական նավահանգիստներից հացահատիկի արտահանման հարցով»,-ասել է Պեսկովը։