Անհայտ անձինք երկու անգամ փորձել են ներխուժել արքայազն Հարիի եւ Մեգան Մարքլի առանձնատուն

Ամերիկյան Մոնտեսիտո քաղաքում անհայտ անձինք փորձել են ներխուժել առանձնատուն, որտեղ երեխաների հետ ապրում են արքայազն Հարին եւ Մեգան Մարքլը։ Այս մասին հայտնում է The Sun-ը։

Միայն 2022 թվականի մայիսին Սասեքսի դուքսերի տան անվտանգության ահազանգը երկու անգամ հնչել է․ մայիսի 19-ին՝ զույգի ամուսնության չորրորդ տարեդարձին եւ մայիսի 31-ին՝ Մեծ Բրիտանիա մեկնելուց մի քանի ժամ առաջ։

Երկու ահազանգերն էլ ոստիկանությունն արձանագրել է որպես սահմանախախտման, գույքային հանցագործության եւ «կասկածելի հանգամանքների» դեպքեր։ Սակայն ձերբակալվածների մասին չեն հայտնում։