ԱՄՆ-ը ՌԴ-ին մեղադրել է Օդեսայի նավահանգստի հրթիռակոծման համար
ԱՄՆ պետքարտուղար Էնթոնի Բլինքենը պաշտոնական հայտարարություն է տարածել, որում մեղադրել է Ռուսաստանի Դաշնությանը՝ Օդեսայի նավահանգստի հրթիռակոծման համար։
«Սեւ ծովով ուկրաինական գյուղմթերքների արտահանումը վերականգնելու գործարքի ավարտից ընդամենը 24 ժամ անց Ռուսաստանը խախտեց իր պարտավորությունները՝ հարձակվելով պատմական նավահանգստի վրա, որտեղից, այս պայմանագրի համաձայն, կրկին հացահատիկ և գյուղատնտեսական ապրանքներ կարտահանվեն։ Կրեմլը շարունակում է անտեսել միլիոնավոր խաղաղ բնակիչների անվտանգությունը՝ Ուկրաինայի վրա շարունակվող հարձակումներով։ Ռուսաստանը զրկում է Ուկրաինային տնտեսական կենսունակությունից, իսկ ողջ աշխարհին՝ պարենային ապրանքներից՝ փաստացի արգելափակելով Սեւ ծովը »,- ասվում է Բլինքենի հայտարարության մեջ։
Հայտարարության մեջ նաեւ Բլինքենը կասկածի տակ է դրել երեկ կնքված համաձայնագրին ՌԴ հավատարմությունը եւ մեղադրել շուկա սննդամթերք հասցնելու հարցում ՄԱԿ-ի, Թուրքիայի եւ Ուկրաինայի աշխատանքը: Բլինքենը շեշտել է,որ Ռուսաստանը պատասխանատու է պարենային համաշխարհային ճգնաժամի խորացման համար եւ պետք է դադարեցնի իր ագրեսիան ու ամբողջությամբ կատարի այն համաձայնագիրը, որի տակ ստորագրել է:
Ավելի վաղ ՄԱԿ-ի գլխավոր քարտուղար Անտոնիո Գուտերեշը դատապարտել էր Օդեսայի նավահանգստի հրթիռակոծությունը։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են