Պենտագոնը մոտ է Lockheed Martin Corp-ի հետ շուրջ 375 F-35 կործանիչների մատակարարման շուրջ համաձայնությանը

Պենտագոնը մոտ է Lockheed Martin Corp-ի հետ երեք տարվա ընթացքում մոտ 375 F-35 կործանիչների մատակարարման շուրջ համաձայնությանը, հայտնում է Reuters-ը՝ վկայակոչելով երեք աղբյուրներ։

Առաջին F-35A-ն 2007 թվականին թողարկումից հետո 221 միլիոն դոլար արժեր: Դրանից հետո արտադրությունն եւ նոու-հաուներն ավելացել են, ինչի շնորհիվ հինգերորդ սերնդի կործանիչի գինը հասել է 79 միլիոն դոլարի:

Երկու աղբյուրների փոխանցմամբ՝ տվյալների իրավունքների շուրջ բանակցությունները վերջին շաբաթներին փակուղում են հայտնվել: Սակայն Վաշինգտոնում հանդիպումը կարող է «ձեռքսեղմման» հանգեցնել թե՛ գների, թե՛ քանակների վերաբերյալ: Եթե ​​պայմանավորվածություն ձեռք բերվի, ապա վերջնական գինը կֆիքսվի շաբաթների, եթե ոչ ամիսների ընթացքում, սակայն վերջնական ընդհանուր արժեքը մոտ 30 միլիարդ դոլարի սահմաններում է։

F-35-ը թողարկվում է երեք կոնֆիգուրացիայով. A մոդելը՝ ԱՄՆ ռազմաօդային ուժերի եւ ԱՄՆ դաշնակիցների համար, F-35 B մոդելը, որը կարող է կարճ թռիչքներ եւ ուղղահայաց վայրէջքներ կատարել, եւ F-35C ինքնաթիռները՝ ավիակրի վրա վայրէջք կատարելու համար։