Ճապոնիայի կառավարող կուսակցությունն ընտրություններում ստացել է խորհրդարանի թափուր տեղերի ավելի քան կեսը
Ճապոնիայի կառավարող Լիբերալ-դեմոկրատական կուսակցությունը (ԼԴԿ) խորհրդարանի վերին պալատի հուլիսի 10-ի ընտրություններում ստացել է 63 պատգամավորական տեղ 125-ից։ Այս մասին են վկայել երկուշաբթի պրեֆեկտուրաների ընտրական հանձնաժողովների հրապարակած ամփոփ տվյալները, տեղեկացրել է ՏԱՍՍ-ը։
«Կոմեյտո» կուսակցությունը, որը ԼԴԿ-ի կոալիցիոն գործընկերն է, ստացել է 13 խորհրդարանական տեղ։ Ընդդիմադիր ուժերի շարքում ամենալավ արդյունքը գրանցել է Սահմանադրական-դեմոկրատական կուսակցությունը՝ ստանալով 17 մանդատ։ Նրան հաջորդում է Ճապոնիայի Նորացման ընկերությունը (12 տեղ)։ Մյուս կուսակցությունները ստացել են հնգական տեղ։
«Լսելով ժողովրդի ձայնին՝ կառավարությունը մտադիր է հետեւողականորեն աշխատել նոր կորոնավիրուսի տարածումը կանխելու եւ երկրի հանրային ու տնտեսական կյանքի դինամիկան վերականգնելու ուղղությամբ։ Մենք հույս ունենք այսուհետ եւս պայքարել գների բարձրացման դեմ, առաջին հերթին՝ պարենային եւ էներգետիկ ոլորտներում։ Արտաքին քաղաքականությունում մենք, համաշխարհային հանրության հետ համագործակցելով, կոշտ կարձագանքենք Ուկրաինա Ռուսաստանի ներխուժմանը, ինչպես նաեւ միջոցներ կձեռնարկենք «ազատ եւ բաց Հնդկա-Խաղաղօվկիանոսյան տարածաշրջանի» հայեցակարգի իրականացման համար»,- երկուշաբթի Տոկիոյում, մամուլի ասուլիսում ասել է Ճապոնիայի կառավարության գլխավոր քարտուղար Հիրոկաձու Մացունոն։
Հուլիսի 10-ին հանձնաժողովների ամփոփ տվյալները վկայել են, որ կառավարող
կոալիցիան՝ ԼԴԿ եւ «Կոմեյտո» կազմով, ինչպես նաեւ Ճապոնիայի Նորացման
ընկերությունը, վերին պալատում պահպանել է տեղերի մեծ մասը։ Ճապոնիայի
Սահմանադրության փոփոխությունների կողմնակիցները, բացի կառավարող կոալիցիայից, բացարձակ մեծամասնություն (տեղերի երկու երրորդը) են ստացել
վերին պալատում։
Ճապոնիայի օրենսդրության համաձայն՝ Սահմանադրությունում ուղղումներ կատարելու համար անհրաժեշտ է համազգային հանրաքվե անցկացնել։ Դա հնարավոր է միայն այն դեպքում, եթե այն նախաձեռնի խորհրդարանի երկու պալատներից յուրաքանչյուրի պատգամավորների երկու երրորդը։ Կարեւոր՝ ստորին պալատում ԼԴԿ-ն, «Կոմեյտոն» եւ Ճապոնիայի Նորացման ընկերությունն արդեն ունեն տեղերի երկու երրորդը։
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ԲՀԿ-ն դիմել է ՍԴ՝ վիճարկելու ընտրությունների արդյունքները
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...