Հյուսիսային Կորեան կամրապնդի ռազմական ներուժը՝ ընդդեմ ԱՄՆ-ի գլխավորած դաշինքի
Հյուսիսային Կորեան քննադատել է ԱՄՆ-ի, Ճապոնիայի եւ Հարավային Կորեայի միջեւ՝ իր դեմ ուղղված եռակողմ ռազմական համագործակցության հնարավոր ընդլայնումը՝ նախազգուշացնելով, որ այդ քայլը պաշտոնական Փհենյանին պարտադրում է ուժեղացնել իր ռազմական հնարավորությունները, հայտնում է AP լրատվական գործակալությունը:
«Առկա իրավիճակը պահանջում է հզորացնել երկրի պաշտպանությունը՝ Կորեական թերակղզում եւ ամբողջ աշխարհում անվտանգության արագ վատթարացող իրավիճակին դիմակայելու նպատակով», - ասվում է Հյուսիսային Կորեայի Արտաքին գործերի նախարարության տարածած հայտարարության մեջ, որում չի հստակեցվում, թե երկիրն ինչպես է ամրապնդելու իր ռազմական ներուժը:
Վերոնշյալ հայտարարությունը կասկածի տակ է դնում անցյալ շաբաթ ՆԱՏՕ-ի գագաթաժողովի շրջանակում կայացած ԱՄՆ-ի, Հարավային Կորեայի եւ Ճապոնիայի միջեւ անցկացված հանդիպումը, որի ընթացքում կողմերը ընդգծել են, Հյուսիսային Կորեայի միջուկային սպառնալիքների դեմ պայքարում, ավելի ամուր համագործակցության անհրաժեշտությունը:
Համագործակցության շրջանակում Հարավային Կորեայի մասնակցությամբ ԱՄՆ-ի գլխավորած զորավարժությունները Հյուսիսային Կորեան դիտարկում է, որպես ներխուժման փորձ, հակառակ այն բանին, որ պաշտոնական Վաշինգտոնն ու Սեուլը բազմիցս ասել են, որ նման մտադրություն չունեն:
Վերջերս կայացած եռակողմ հանդիպման ժամանակ ԱՄՆ-ի նախագահ Ջո Բայդենն ասել էր, որ խորապես մտահոգված է բալիստիկ հրթիռների շարունակվող փորձարկումներով եւ՝ միջուկային փորձարկում իրականացնելու Հյուսիսային Կորեայի ակնհայտ ծրագրերով: Հարավային Կորեայի նախագահ Յուն Սուկ Յոլը, իր հերթին, նշել էր, որ Հյուսիսային Կորեայի առաջադեմ միջուկային ծրագրին ընդդեմ մեծացել է եռակողմ համագործակցության կարեւորությունը, մինչդեռ Ճապոնիայի վարչապետ Ֆումիո Կիսիդան շեշտել է, որ համատեղ հակահրթիռային պաշտպանության զորավարժությունները՝ կարեւոր կլինեն Հյուսիսային Կորեայի սպառնալիքները զսպելու համար:
Վերոնշյալ հայտարարության մեջ Հյուսիսային Կորեան Միացյալ Նահանգներին մեղադրում է նաեւ իր կողմից եկող սպառնալիքների մասին լուրերը ուռճացնելու համար:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են