Վերջին թարմացումը խափանել է Wi-Fi-ը Windows-ի ակտուալ տարբերակներում

Վերջին թարմացումը խափանել է Wi-Fi-ը Windows-ի ակտուալ տարբերակներում, գրում է Neowin-ը։ Անլար ցանցին միացած համակարգիչները «չեն տեսնում» մուտք դեպի ինտերնետ:

Խնդիրն ազդում է Windows 7-ի, 10-ի եւ 11-ի վրա: Ներկայումս այս սխալը վերացնելու միակ միջոցը Wi-Fi-ն անջատելն է եւ ցանցային կապի այլ եղանակ օգտագործելը: Օգտատերերին, որոնց համար Wi-Fi-ը մնում է միակ հնարավոր ինտերնետ հասանելիությունը, խորհուրդ է տրվում թարմացման կենտրոնում վերադառնալ Windows-ի նախորդ տարբերակին:

Հունիսի սկզբին Microsoft-ը հայտարարել է Ռուսաստանում իր գործունեության զգալի կրճատման մասին։ Ընկերությունը կշարունակի կատարել իր ընթացիկ պայմանագրային պարտավորությունները ռուս օգտատերերի նկատմամբ։