Գերմանիայի փոխկանցլերը երկրի բնակիչներին կրկին կոչ է արել խնայել էներգիան
Գերմանիայի փոխկանցլերը երկրի բնակիչներին կրկին կոչ է արել խնայել էներգիան այն բանից հետո, երբ ռուսական «Գազպրոմը» հայտարարել է հիմնական գազատարով բնական գազի մատակարարումների զգալի կրճատման մասին, հայտնում է AP-ն։
Երեքշաբթի օրը «Գազպրոմը» հայտարարել է, որ 40 տոկոսով կրճատում է «Հյուսիսային հոսք 1» ստորջրյա գազատարով գազի հոսքը դեպի Գերմանիա, իսկ մեկ օր անց հայտարարել է հետագա կրճատումների մասին, ինչի հետեւանքով ընդհանուր կրճատումը կկազմի շուրջ 60 տոկոս։
Ընկերությունը նշել է տեխնիկական խնդրի մասին՝ ասելով, որ կանադական պատժամիջոցները թույլ չեն տվել գերմանական գործընկեր Siemens Energy-ին մատակարարել այն սարքավորումները, որոնք ուղարկվել էին հիմնանորոգման:
Գերմանիայի կառավարությունը հերքել է այս փաստարկը՝ հայտարարելով, որ սպասարկումը չպետք է խնդիր լիներ մինչեւ աշուն, իսկ Ռուսաստանի որոշումը քաղաքական խաղ է եղել՝ անորոշություն սերմանելու եւ գները բարձրացնելու համար:
Ռուսաստանի նախագահ Վլադիմիր Պուտինն «անում է այն, ինչից ի սկզբանե վախենում էինք. նա նվազեցնում է գազի ծավալը, բայց ոչ անմիջապես, այլ քայլ առ քայլ»,- ասել է Գերմանիայի փոխկանցլեր Ռոբերտ Հաբեկը։
Հաբեկը, որը նաեւ էկոնոմիկայի նախարարն է, արդեն իսկ անցած շաբաթ քարոզարշավ է սկսել՝ կոչ անելով մարդկանց խնայել էներգիան:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Կասեցվել է «Արփի Լենդ» ՍՊԸ-ին պատկանող սպանդանոցի արտադրական գործունեությունը
Իսպանացի արքայադուստրը խախտել է թագավորական ընտանիքի ավանդույթը
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Փրկարար ծառայությունն ամփոփում է անցած շաբաթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Հունվարի 3-ին՝ «Ֆեստիվառ» Ջերմուկում
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ