Իսրայելը Բայդենին կներկայացնի լազերային հակահրթիռային պաշտպանության իր նոր համակարգը

Իսրայելը ԱՄՆ նախագահ Ջո Բայդենին կներկայացնի լազերային հակահրթիռային պաշտպանության իր նոր համակարգը նրա՝ հուլիսին նախատեսվող այցի ընթացքում։

Ինչպես տեղեկացրել է Walla-ն, Իսրայելը հույս ունի համագործակցել Վաշինգտոնի հետ այս նախագծում, ներառյալ ամերիկյան ներդրումները համակարգի հետագա զարգացման եւ կիրառման գործում։

Այդ համագործակցությունը կարող է կազմել իրանական անօդաչուների եւ հրթիռների սպառնալիքի դեմ համատեղ տարածաշրջանային դաշնակիցների հետ պաշտպանական գործընկերություն ձեւավորելու ավելի լայն ջանքերի մի մասը։

Այդ դաշինքի պլանների մասին առաջին անգամ տեղեկացվել էր մարտին, իսրայելական ՌՕՈւ-ի պաշտոնական անձանց հետ ոչ պաշտոնական ճեպազրույցից հետո։ Պաշտոնական անձինք տեղեկացրել էին, որ Իսրայելը լարող է շուտով դաշինք կազմել մերձավորարեւելյան գործընկերների հետ, գրել է Times of Israel-ը։

Տեղեկությունների համաձայն՝ օդադեսանտային պաշտպանական կոալիցիայի ստեղծման հնարավորությունն ի հայտ է եկել Իսրայելի եւ արաբական երկրների, ներառյալ Արաբական Միացյալ Էմիրությունները եւ Բահրեյնը (որոնք աշխարհագրական առումով մոտ են Իրանին), միջեւ հարաբերությունների կարգավորման համաձայնագրից հետո։

Ցամաքային լազերային համակարգը, որն ստացել է «Երկաթե ճառագայթ» անվանումը, նախատեսված է «Երկաթե գմբեթին» կամ իսրայելական ՀՕՊ այլ համակարգերին ոչ թե փոխարինելու, այլ լրացնելու համար։