Հայ-թուրքական հարաբերությունների իրական կարգավորման հեռանկարները որոշ չափով մշուշոտ են․ փորձագետ
Հայ-թուրքական հարաբերությունների կարգավորման գործընթացում ավելի շատ հարցեր կան, քան պատասխաններ։ Այս մասին հունիսի 16-ին Հայաստանի գիտությունների ակադեմիայի կողմից Երեւանում կազմակերպված համաժողովի ժամանակ հայտարարեց ռուս թուրքագետ, ՌԴ ԱԳՆ Դիվանագիտական ակադեմիայի դոցենտ Վլադիմիր Ավատկովը։
Նրա խոսքով՝ իրական կարգավորման հեռանկարները որոշ չափով մշուշոտ են։ «Ռուսաստանն, անշուշտ, հանդես է գալիս Հարավային Կովկասում խաղաղության եւ անվտանգության օգտին: Նա աջակցում է Երեւանի եւ Անկարայի միջեւ երկխոսության գործընթացին, բայց ես, որպես փորձագետ, քիչ եմ հավատում կարգավորմանը: Թուրքիան չի ճանաչում Հայոց ցեղասպանությունը։ Կան բազմաթիվ այլ պատմական խնդիրներ, այդ թվում՝ տարածքային բնույթի»,- պարզաբանեց Ավատկովը։
Քաղաքագետի կարծիքով՝ Հայաստանը պետք է ուշադիր հաշվարկի բոլոր հնարավոր հետեւանքներն ու արդյունքները։ Երեւանը պետք է հասկանա, թե ինչ կլինի նորմալացումից հետո։ «Դե, ասենք, վերցրեցին ու զրոյացրեցին բոլոր հին հակասություններն ու դժգոհությունները, սկսեցին նոր էջից։ Ի՞նչ կլինի հաջորդ օրը: Որքա՞ն կդիմանա, օրինակ, Հայաստանի տնտեսությունը։ Շատ կարեւոր է հաշվարկել այդ ռիսկերը»,- նշեց փորձագետը։
Միաժամանակ, թուրքագետի կարծիքով, միակ լուծումը կարող են լինել ենթակառուցվածքային նախագծերը, որոնք երկրներին փոխկապակցված են դարձնում։ Դա կարող է հարթել սուր անկյունները: «Սակայն սա շատ տքնաջան եւ երկարատեւ աշխատանք է։ Այնուամենայնիվ, դա պետք է արվի: Ի վերջո, այս կերպ հնարավոր է հաղթահարել առկա լարվածությունը»,- ասաց նա։
Ամեն դեպքում, ըստ փորձագետի, Ռուսաստանը չի անտեսի այս գործընթացները։ Նա հաշվի կառնի Թուրքիայից Հայաստանին եկող ուղղակի սպառնալիքները։ «Բայց դրա համար պետք է խնդրանք լինի Երեւանից»,- եզրափակեց ռուս փորձագետը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո