Թալիբները քննադատել են հնդկական կուսակցության անդամի խոսքերը Մուհամեդ մարգարեի հասցեին
Աֆղանստանում իշխանությունը զավթած արմատական «Թալիբան» շարժման ղեկավարությունը դատապարտել է Հնդկաստանում իշխող Բհարաթիա Ջանատա կուսակցության (ԲՋԿ) ներկայացուցիչ Նիպուր Շարմայի հայտարարությունները, որոնք մահմեդական երկրներում վիրավորական են համարվել Մուհամեդ մարգարեի նկատմամբ։ Այս մասին երկուշաբթի Twitter-ի իր պաշտոնական էջին հայտնել է արմատականների կողմից ձեւավորված ժամանակավոր կաբինետում մշակույթի եւ տեղեկատվության փոխնախարար Զաբիհուլլա Մուջահիդը։
«Աֆղանստանի Իսլամական Էմիրությունը (պետության անվանումը, որն օգտագործվում է թալիբների կողմից) խստորեն դատապարտում է հնդկական կուսակցության պաշտոնյայի՝ Մուհամեդ մարգարեի հասցեին հնչեցրած վիրավորական խոսքերը»,- ասել է Մուջահիդը։ Նա նաեւ կոչ է արել Հնդկաստանի կառավարությանը «թույլ չտալ ֆանատիկներին վիրավորել մուսուլմանների զգացմունքները եւ նրանց կրոնը»:
Շարման ելույթ էր ունենում հեռուստատեսային բանավեճերում և երկրում տեղի ունեցած որոշ միջադեպերի քննարկման համատեքստում մի շարք հայտարարություններ էր արել իսլամի եւ Մուհամեդ մարգարեի մասին, որոնք, ինչպես պարզվեց, վիրավորական էին մուսուլմանների համար: Հնդկական NDTV հեռուստաալիքի փոխանցմամբ՝ ԲՋԿ-ի ղեկավարությունը դադարեցրել է Շարմայի անդամակցությունը կուսակցությանը՝ նրան բացառելով հիմնական կազմից:
Մի շարք մահմեդական երկրներ եւ կազմակերպություններ դատապարտել են ԲՋԿ-ի ներկայացուցչի հայտարարությունները, այս կապակցությամբ Իրանը, Քաթարը եւ Քուվեյթը բողոքի նոտ են հանձնել Հնդկաստանի դեսպաններին:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են