Կիև են ժամանել ԱՄՆ պաշտպանության նախարարն ու պետդեպի ղեկավարը
ԱՄՆ պետքարտուղար Էնթոնի Բլինկենն ու պաշտպանության նախարար Լլոյդ Օստինը Կիև են այցելել ապրիլի 24-ին, հայտնում է ՌԻԱ Նովոստին` հղում անելով «Ֆրանսպրես» գործակալությանը։
Պետդեպի ներկայացուցչի տվյալներով` Բլինկենն ու Օստինը հայտարարել են, որ ամերիկացի դիվանագետներն աստիճանաբար կվերադառնան Ուկրաինա, գործընթացը կսկսվի այս շաբաթ։ Բացի այդ, ԱՄՆ նախարարները հայտարարել են Ուկրաինային ավելի քան 700 մլն դոլար ռազմական օգնություն ևս հատկացնելու մասին։
713 մլն-ի չափով ֆինանսական օգնությունը կբաշխվի Ուկրաինայի և Արևելյան Եվրոպայի երկրների միջև։ Նշվում է, որ Օստինն ու Բլինկենը օգնության և դիվանագետների վերադարձի վերաբերյալ հայտարարություններն արել են Վլադիմիր Զելենսկու հետ հանդիպման ժամանակ։
Պարբերականի համաձայն` ԱՄՆ նախարարների այցը գաղտնիության պայմաններում էր ծրագրվում, այդ պատճառով Բլինկենն ու Օստինը ժամանել են ԱՄՆ ՌՕՈւ-ի բեռնատար ինքնաթիռներով, իսկ նրանց ուղեկցել են նախարարության շատ քիչ թվով աշխատակիցներ։
Ինչպես գրում է գործակալությունը` Բլինկենի և Օստինի այցը՝ ՌԴ հատուկ գործողությունների մեկնարկից ի վեր ամերիկյան բարձրաստիճան ներկայացուցիչների առաջին այցն է Ուկրաինա։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողությունները շարունակվում են արդեն 61-րդ օրը։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը