Բոլոր նրանք, ովքեր փորձում են ստիպել մեզ լռել, անհաջողության կմատնվեն. Ջեքի Սփիերը Հայոց ցեղասպանության մասին
Հայոց ցեղասպանության պաշտոնական ճանաչումն ԱՄՆ-ի կողմից հզոր ազդակ է դարձել բոլորի համար, ովքեր ձգտում են փոխել պատմությունը: Այս մասին Ցեղասպանության 107-րդ տարելիցի առթիվ տեսաուղերձով «Արմենպրեսին» հայտնել է ԱՄՆ Կոնգրեսի հայկական հարցերով խմբակցության համանախագահ Ջեքի Սփիերը:
«Որպես Կոնգրեսի՝ հայկական արմատներ ունեցող երկու անդամներից մեկը՝ պատիվ ունեմ նշել Հայոց ցեղասպանության 107-րդ տարելիցը: Ինչպես եւ մեզնից շատերը, ես խորապես ծանր եմ տարել այդ ողբերգությունը, ինչպես իմ ընտանիքի պատմութան, այնպես էլ ողջ աշխարհի հայերի հավաքական ցավի միջոցով: Ես երբեք չեմ մոռանա մեծ վիշտը մորս աչքերում, երբ նա ինձ պատմում էր 1915 թ. ապրիլի 24-ի սարսափների մասին: Օսմանյան կայսրությունում մեկուկես հայերի անսիրտ, զանգվածային կոտորածը պատմության ամենամռայլ էջերից մեկն է եղել: Մենք պետք է շարունակենք դիմակայել այդ պատմությունը ջնջելու փորձերին»,- ասել է Սփիերը:
Նա մատնանշել է հպարտության պահը, երբ ԱՄՆ նախագահ Ջո Բայդենը 2021 թ. պաշտոնապես ճանաչել է Հայոց ցեղասպանությունը: Սփիերն ընդգծել է, որ իր համար մեծ պատիվ էր օգնել Կոնգրեսում տարիներ առաջ Ցեղասպանության մասին բանաձեւը ներկայացնելուն:
«Նման գործողությունները հզոր ուղերձ են նրանց, ովքեր ցանկանում են փոխել պատմությունը: Սակայն մեր աշխատանքը դեռեւս ավարտված չէ: Թուրքիան շարունակում է հերքել Հայոց ցեղասպանության փաստը, ակտիվ աշխատել ողջ մնացածների վկայությունները լռեցնելու ուղղությամբ: Ողջ մնացածների ճշմարտության հերքումը ոչ միայն վիրավորում է մեր հասարակության զգացմունքները, այլեւ խրախուսում հանցագործներին: Անցյալ ամիս Ադրբեջանը կրկին սադրել է Արցախին՝ «մեկ գյուղ» գրավելով, թողնելով արցախցիներին ցրտի մեջ՝ 3 շաբաթով անջատելով գազը:
Այսօր անկեղծորեն ճանաչելով Հայոց ցեղասպանության ողբերգությունը՝ մենք ազդակ ենք ուղարկում՝ ասելով, որ բոլոր նրանք, ովքեր փորձում են ստիպել մեզ լռել, անհաջողության կմատնվեն: Այսօր ես միանում եմ ձեզ՝ ոչ միայն հարգելու մեր նախնիների հիշատակը, որոնք սպանվել են օսմանցիների ձեռքով, այլեւ հաստատելու մեր պարտավորվածությունը հիշել նրանց՝ ի հեճուկս համաշխարհային մոռացության ու անարդարության: Մենք կարող ենք եւ պետք է երաշխավորենք, որ արդարությունը կվերականգնվի, եւ նրանց կորուստն ապարդյուն չի լինի»,- ասել է կոնգրեսականը:
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը