Բախումներ Ալ Աքսա մզկիթի համալիրում. տուժել է 67 պաղեստինցի
Իսրայելի անվտանգության ուժերը մինչեւ լուսաբաց ներխուժել են Երուսաղեմի Ալ Աքսա մզկիթի համալիր, երբ հազարավոր պաղեստինցիներ հավաքվել էին աղոթելու Ռամադան սրբազան ամսին։ Բախումների հետեւանքով վիրավորվել է մոտ 67 պաղեստինցի, տեղեկացրել է AP-ը։
Բախումները տեղի են ունեցել Իսրայելում եւ օկուպացված Արեւմտյան ափին լարված երեք շաբաթներից հետո։ Ալ Աքսան իսլամի երրորդ սրբատեղին է։ Հրեաները այն անվանում են Տաճարի լեռ՝ վկայակոչելով երկու տաճարները, որոնք, ինչպես ասում են, այնտեղ կանգնած են դեռ հնագույն ժամանակներից։ Սրբազան վայրը հրեաների եւ մուսուլմանների համար հաճախ է դարձել իսրայելա-պաղեստինյան անկարգությունների էպիկենտրոն։
Բախումներ տեղի են ունենում հատկապես դյուրագրգիռ ժամանակներում։ Ռամադանն այս տարի համընկնում է Զատկի՝ հրեական գլխավոր տոնի, որն սկսվում է ուրբաթ օրը՝ արեւի մայր մտնելուն պես, եւ քրիստոնեական Ավագ շաբաթվա հետ, որի գագաթնակետը Զատկվա կիրակին է։ Սպասվում է, որ այդ տոներին տասնյակ հազարավոր հավատացյալներ կհավաքվեն Հին քաղաք Երուսաղեմում, որտեղ գտնվում են երեք կրոնների համար կարեւոր սրբատեղիները։
Ցանցում պտտվող տեսանյութում երեւում է, թե ինչպես են պաղեստինցիները քարեր նետում, իսկ ոստիկանությունը արցունքաբեր գազ եւ լուսաաղմկային նռնակներ է օգտագործում։
Պաղեստինի Կարմիր մահիկի արտակարգ օգնության ծառայությունը տեղեկացրել է, որ հիվանդանոց է տեղափոխել 67 մարդու, որոնք վիրավորումներ էին ստացել ռետինե փամփուշտներից, նռնակներից կամ մահակներից։
Իսրայելի ոստիկանությունը հայտարարել է, որ երեք սպա վիրավորվել է «զանգվածային քարանետման ժամանակ», երկուսը տարհանվել է դեպքի վայրից՝ բժշկական օգնություն ստանալու համար։
Իսրայելի արտաքին գործերի նախարարությունը տեղեկացրել է, որ Պաղեստինի եւ ՀԱՄԱՍ-ի դրոշներով տասնյակ դիմակավոր տղամարդիկ ուրբաթ վաղ առավոտյան երթով մոտեցել են համալիրին եւ քարեր հավաքել։
«Ոստիկանությունը ստիպված էր մտնել տարածք, որպեսզի ցրի ամբոխը եւ հավաքի քարերը, որպեսզի կանխի հետագա բռնությունը»,- նշվել է հաղորդագրությունում։
Ոստիկանությունում հավաստիացրել են, որ սպասել են, մինչեւ աղոթքն ավարտվի։ Հայտարարությունում նշվել է, որ ամբոխը սկսել է քարեր նետել հրեական սրբատեղի համարվող Արեւմտյան պատի կողմը՝ ստիպելով ոստիկանությանը գործել։ Ոստիկաններն ասել են, որ մզկիթ չեն մտել։
Պաղեստինցիները Ալ Աքսայում ոստիկանության ցանկացած գործողություն համարում են մեծ սադրանք։
Լարվածությունը սաստկացել է վերջին շաբաթներին՝ պաղեստիցնիների հարձակումների շարքից հետո, որոնց հետեւանքով զոհվել է 14 մարդ։ Իսրայելը օկուպացված Արեւմտյան ափին ձերբակալությունների եւ ռազմական գործողությունների շարք է իրականացրել՝ պաղեստինցիների հետ բախումներ առաջացնելով։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը