Նիկոլն ասում է՝ հարիֆ էի, գցեցին ջեբս, այդպես էլ պետք է լիներ. մենք էլ ասում ենք՝ համ հարիֆ ես, համ դավաճան. Սաղաթելյան
Սա Ալիեւի երկար ժամանակների պահանջն է, սա Նիկոլ-Ալիեւ համատեղ գործունեության ու պայմանավորվածության արդյունք է, ես ուրիշ բացատրություն չունեմ: Այս մասին այսօր՝ ապրիլի 13-ին, Գորիսում լրագրողների հետ զրույցում նշեց ԱԺ փոխխոսնակ, «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով նրան, որ երեկ իրենց թույլ չեն տվել մուտք գործել Արցախ:
«Երեկ տեսաք, որ միաժամանակյա Հայաստանի խորհրդարանից եւ Ադրբեջանի իշխանությունները նույնաբովանդակ հարձակում էին սկսել մեզ վրա, որ այցելու ենք Արցախ: Ես կարծում եմ՝ օրվա իշխանությունները պատասխանատու են այս իրավիճկի համար, իրենք պարտավոր են ապահովել անհապաղ կապ Հայաստանի ու Արցախի միջեւ, որեւէ մեկն իրավունք չունի արգելել ՀՀ քաղաքացիների մուտքն Արցախ»,-ասաց նա:
Ինչ վերաբերում է ԱԳՆ-ի եւ Նիկոլ Փաշինյանի հայտարարություններին, որ իրենք տարակուսած ու մտահոգված են, որ ռուս խաղաղապահները թույլ չեն տվել պատգամավորների մուտքը Արցախ, Սաղաթելյանն ասաց. «Մտահոգված ու տարակուսված լինելը դեռեւս բավարար չէ, պետք է ձեռնարկեն գործուն քայլեր եւ անհապաղ կարգավորեն խնդիրը: Մնացածը դեմագոգիա է, մարդկանց մոլորեցնելու փորձ»:
Նա անդրադարձավ նաեւ այսօր ԱԺ-ում Նիկոլ Փաշինյանի այն հայտարարությանը, թե եթե նախկինում մենք հիմքում դնում էինք Ղարաբաղի կարգավիճակը՝ դրանից բխեցնելով անվտանգության երաշխիքներն ու իրավունքները, այժմ հիմքում դնում ենք անվտանգության երաշխիքներն ու իրավունքները՝ դրանից բխեցնելով կարգավիճակը: ԱԺ փոխխոսնկն ասաց. «Եթե պարզ խոսենք, ինքն ասել է՝ մենք գնում ենք «Արցախն Ադրբեջանի կազմում» ճանապարհով, եւ Արցախն ունենալու է անվտանգության երաշխիքներ եւ լայն իրավունքներ:
Մենք ասում ենք՝ դու հայ ժողովրդի ճակատագիրը որոշելու իրավունք չունես: Այս ճանապարհը նշանակում է նոր Նախիջեւան, սրանով վերջնականապես կորցնելու ենք Արցախը, Արցախը հայաթափվելու է: Նիկոլը բավարարում է Ալիեւի պահանջը:
Եթե չեն կարողանում պաշտպանել Արցախը, պետք է հեռանան եւ գան այն ուժերը, որոնք կարող են պաշտպանել մեր երկրի տարածքային ամբողջականությունը, ապահովել Արչցախի ինքնորոշումը եւ մեր պետությունը, ժողովուրդը ոտքի կանգնի: Այլ ճանապարհ չկա, այլ ճանապարհը պետության կորուստն է»:
Ինչ վերաբերում է վարչապետի պնդմանը, որ նախորդ իշխանությունից է ժառանգել բանակցային այն փաթեթը, որով պետք է 7 շրջանները հանձնվեին, ՀՅԴ-ական գործիչն ասաց. «Ինչքան կարելի է մարդկանց ձեռ առնել ու հիմարացնել: Կապիտուլյացիայի փաստաթուղթը ստորագրել մեկ մարդ, որի անունը Նիկոլ Փաշինյան է: Ինքը եկել է իշխանության ունեցել ենք հաղթանակած բանակ, պետական կառավարման համակարգ, հաղթած պետություն:Լ Երեք տարվա մեջ ամեն ինչ մսխել է, երկիրը տարել է նոր պատերազմի եւ կապիտուլյացիայի: Հիմա հելնում, ասում է՝ հարիֆ էի, գցեցին ջեբս, չկարողացա, այդպես էլ պետք է լիներ:Մենք էլ ասում ենք՝ ոչ, համ հարիֆ ես, համ դավաճան ես, համ հետեւողականորեն երկիրը բերել, հաասցրել ես էս վիճակին, հիմա էլ պետք է հեռանաս, գոնե այս փշուրները կարողանանք փրկել»:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո