Արարատի մարզում ռուսական համարանիշներով ВАЗ 21015-ը գլխիվայր շրջվել է. կան վիրավորներ

Այսօր խոշոր ավտովթար է տեղի ունեցել Արարատի մարզում: Ժամը 19:30-ի սահմաններում ВАЗ 21015 մակնիշի ռուսական համարանիշներով ավտոմեքենան Վանաշեն գյուղի վարչական տարածքում դուրս է եկել երթևեկելի գոտուց և գլխիվայր շրջվել, հայտնում է shamshyan.com-ը։

Վթարի հետևանքով 2 մարդ տեղափոխվել է Վեդու բժշկական կենտրոն:

Փաստի առթիվ նյութեր են նախապատրաստվում: Ոստիկանությունը պարզում է վարորդի և վիրավորների ինքնությունը: