Լիտվան ցանկանում է, որպեսզի Բալթյան երկրներում ՆԱՏՕ-ի գումարտակներն ընդլայնվեն մինչեւ բրիգադներ
Լիտվան ցանկանում է, որպեսզի ՆԱՏՕ-ի գումարտակները Բալթյան երկրներում ընդլայնվեն մինչեւ բրիգադներ, ասվում է երկրի պաշտպանության նախարարության հայտարարության մեջ, փոխանցում է LRT-ն։
«Լիտվան, ՆԱՏՕ-ի արեւելյան թեւի այլ երկրների հետ միասին, ձգտում է ուժեղացնել ՆԱՏՕ-ի առաջադեմ ներկայության մարտական խմբերը մինչեւ առաջադեմ ներկայության բրիգադներ»,- ասել է պաշտպանության նախարար Արվիդաս Անուսաուսկասը Գերմանիայի պաշտպանության խորհրդարանական պետքարտուղար Թոմաս Հիտչլերի հետ հանդիպումից հետո:
Հանդիպմանը քննարկվել է անվտանգության իրավիճակը եւ սպառնալիքների փոփոխված ընկալումն ուկրաինական պատերազմի համատեքստում։
«Ռուկլայում Գերմանիայի հրամանատարությամբ մարտական խումբը հիանալի հիմք է ՆԱՏՕ-ի ճակատի հայեցակարգի հետագա ամրապնդման համար: Հաշվի առնելով հիանալի համագործակցությունը Գերմանիայի եւ Լիտվայի միջեւ, մենք երախտապարտ կլինենք, եթե Գերմանիան կարողանա ղեկավարել ՆԱՏՕ-ի առաջապահ բրիգադը Լիտվայում։ Մենք պատրաստ ենք ներդրումներ կատարել այնքան, որքան անհրաժեշտ է, եւ անել հնարավոր ամեն ինչ՝ լրացուցիչ դաշնակցային ուժեր ընդունելու համար»,- ասաց նա։
Գերմանիան ոչ միայն լրացուցիչ զորքեր, այլ նաեւ լրացուցիչ ռազմական տեխնիկա է ուղարկել Լիտվա, այդ թվում՝ «Օզելոտ» փոքր հեռահարության ԶՀՀ:
Հաղորդագրության համաձայն՝ ՆԱՏՕ-ի որոշումները ճակատային պաշտպանության ադապտացման եւ ներդրման վերաբերյալ կընդունվեն Մադրիդում կայանալիք ՆԱՏՕ-ի գագաթաժողովին:
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են