Երեք զբոսաշրջիկներով SpaceX առաքելությունը մեկնել է ՄՏԿ

Ուրբաթ օրը SpaceX-ը երեք հարուստ գործարարների եւ նրանց ուղեկցող տիեզերագնացներին ուղարկել է Միջազգային տիեզերակայան ավելի քան մեկ շաբաթով, հաղորդում է AP-ը։

Սա SpaceX-ի առաջին մասնավոր չարտերային թռիչքն է դեպի ուղեծրային լաբորատորիա՝ ՆԱՍԱ-ի տիեզերագնացներին այնտեղ տեղափոխելուց երկու տարի անց։

Շաբաթ օրը տիեզերակայան կժամանեն ներդրումային, ռիելթերական եւ այլ ընկերություններ ղեկավարող ամերիկացի, կանադացի եւ իսրայելցի ներդրողները։ Յուրաքանչյուրը 55 միլիոն դոլար կվճարի հրթիռի թռիչքի եւ բնակության համար՝ ներառյալ սնունդը։

Ռուսաստանը զբոսաշրջիկներին հյուրընկալում է տիեզերակայանում, իսկ մինչ այդ՝ «Միր» կայարանում արդեն մի քանի տասնամյակ։ Անցած աշնանը ռուսական նկարահանող խումբ է ժամանել կայարան, ապա ժամանել են ճապոնացի մագնատը եւ նրա օգնականը։

Այցելուների համար նախատեսված տոմսերը ներառում են մուտք դեպի տիեզերակայանի բոլոր տարածքներ, բացառությամբ ռուսական մասի։ Կայարանում ներկա են նաեւ երեք ամերիկացի եւ մեկ գերմանացի։