Պուտինի մամուլի քարտուղարը պաշտպանել է Ադրբեջանին Պետդումայի հայամետ պատգամավորից
ՌԴ նախագահի մամուլի քարտուղար Դմիտրի Պեսկովը Պետդումայի պատգամավոր Միխայիլ Դելյագինին կոչ է արել վերահսկել իր անձնական էմոցիաները եւ թույլ չտալ Ադրբեջանի դեմ ոչ բարեկամական հայտարարություններ, հաղորդում է ՏԱՍՍ-ը։
«Սա հայտարարություն է, որը հիմնված է անձնական հույզերի հարթության վրա։ Մենք կոչ ենք անում վերահսկել այդ էմոցիաները եւ զերծ մնալ նման հայտարարություններից, հատկապես մեր գործընկերներ Ադրբեջանի նկատմամբ»,- ասել է Պեսկովը՝ մեկնաբանելով պատգամավորի հայտարարությունը՝ ԼՂ-ում իրավիճակի սրման ֆոնին Ադրբեջանի նավթային ենթակառուցվածքին հարվածներ հասցնելու հնարավորության մասին։
Հիշեցնենք, որ Պետդումայի պատգամավոր Միխայիլ Դելյագինը «Ռոսիա 24» հեռուստաալիքի «60 րոպե» հաղորդման եթերում կոչ էր արել կոշտ եւ միանշանակ պատժել Ադրբեջանին կամ, ինչպես ինքն է ասել, «թուրքական պրոքսիին»՝ ԼՂ-ում նրա գործողությունների եւ ռուս խաղաղապահներին չհնազանդվելու համար։
Նրա խոսքով՝ Բաքվից հարձակման վտանգ կա, քանի որ ադրբեջանցիները խախտել են Արցախում հրադադարի ռեժիմը։ «Մեր ՊՆ-ն հայտարարեց, որ նրանք հետ են քաշվել, իսկ Բաքուն պաշտոնապես հայտարարում է, որ չի լքում զբաղեցրած տարածքները։ Ուստի իրական վտանգ կա Թուրքիայի, ավելի ճիշտ՝ թուրքական պրոքսիի կողմից։ Պետք է պատժել խիստ եւ միանշանակ։ Ինչո՞ւ է մեզ պետք Ադրբեջանի նավթարդյունաբերությունը. Մենք դրա կարիքը չունենք: Եթե մարդիկ խոսքով չեն հասկանում, հավանաբար ստիպված կլինենք գործով հասկացնել։ Եթե դա չանենք, մենք չենք լինի»,- ասել է պատգամավորը։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Գերմանիայի աշխատաշուկան՝ կադրերի դեֆիցիտի առաջ
Մոսկվայի բոլոր օդանավակայանները կրկին դադարեցրել են աշխատանքը