«Ռուս խաղաղապահները բանակցում են, և դրանք բավականին լուրջ են, խնդրել են, որ մինչև երեկո սպասենք». Մետաքսե Հակոբյան
Երեկ երեկոյան Արցախի Հանրապետությունում կրկին դադարեցվել է գազամատակարարումը, պատճառը կրկին ադրբեջանական կողմի գործողություններն են։ Մարտի 8-ին պայթեցված գազատարի վերանորոգման աշխատանքների ընթացքում ադրբեջանական կողմը փական է տեղադրել, որի միջոցով դադարեցրել է գազամատակարարումը։
168.am-ի հետ զրույցում Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը նախ ասաց՝ պետք է հասկանալ՝ ադրբեջանական կողմը գազատարի խողովակի վերանորոգումն արդյո՞ք սահմանափակել էր նրանով, որ ուղղակի փական են դրել։
«Ամեն բան հնարավոր է, հստակ որևէ մեկս չենք կարող ասել։ Իրենք այս ընթացքն օգտագործել են հաջորդ քայլին նախապատրաստվելու համար, փաստ է։ Երեկ երեկոյան փակել են գազատարը, այն էլ՝ այս սառնամանիքին։ Բայց դե, Արցախում մարդիկ ոգով տոկուն են, ում հարցնում ենք՝ ասում են՝ լավ ենք և լավ ենք լինելու՝ ի հեճուկս թշնամու։ Թող թշնամին չմտածի, որ սրանով կարողանալու է կոտրել արցախահայությանը։ Մարդկանց պետք է բացատրել, որ թշնամու նպատակն այսօր ոչ թե միայն Փառուխն ու Խրամորթն է, այլ ամբողջ Արցախը։ Թշնամին մտածում է՝ ինչո՞ւ դիմի պատերազմական գործողությունների, եթե կարող է նման հումանիտար խնդիրներ ստեղծելով՝ կարողանան խնդիրներ լուծել։ Այստեղ մնում է մեր հակազդման աստիճանը, թե որքանով ենք պատրաստ՝ ապրելով հակազդել իրենց։ Մեր այստեղ ապրելն արդեն իսկ հակազդել է, մարդիկ այդ առումով ավելի կայուն են։ Շատ չեմ մանրամասնի, բայց այս պահին ռուսական կողմը բանակցություններ է տանում, դրանք բավականին լուրջ են։ Ռուս խաղաղապահները փորձում են շտկել իրավիճակը, խնդրել են, որ մինչև երեկո սպասենք, հետո արդեն տեղեկություններ կունենանք, թե ինչպես ավարտվեցին բանակցությունները կամ ինչ սպասել հետո»,- նշեց Մետաքսե Հակոբյանը։
Ըստ պատգամավորի՝ այս ամենով թշնամին հասարակ բնակչին ցանկանում է ցույց տա, թե իրավիճակի տերն ինքն է, և նման լուրերը, իհարկե, անհանգստություն է առաջացնում այն մարդկանց մոտ, որոնք զբաղված են իրենց առօրյայով։ Հետևաբար՝ անհրաժեշտ է, որպեզի իրականությունը ներկայացվի մարդկանց՝ ցույց տալով, որ Ադրբեջանն ագրեսոր է, նրա համար գոյություն չունի հումանիզմ ասվածը։
«Ադրբեջանն այստեղ ոչ միայն դուրս է եկել Արցախի ու հայի դեմ, այլև ընդհանուր աշխարհին մարտահրավեր է նետում իր պահվածքով։ Եթե այս ամենը չի դատապարտվում, վաղը նույն բանը կարող են անել նաև ուրիշները։ Թշնամու նպատակը սա է՝ խուճապ առաջացնել ու հայաթափել Արցախը և ցույց տալ, թե իրենք են Արցախի տերը»,- հավելեց Մետաքսե Հակոբյանը։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Կընդգրկվի արդյոք Փարաքարի նախկին համայնքապետ Գյուլնազարյանը՝ ՔՊ ընտրական ցուցակում
«Արատտա այգին» արժանացել է պատվավոր մրցանակի SHARE ճարտարապետական միջազգային մրցույթում
Wizz Air ավիաընկերությունը հայտարարել է Երևան ֊ Լոնդոն ֊ Երևան ուղիղ թռիչքների մեկնարկի մասին. Խուդա...
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Նախկին ամուսիններ Ջենիֆեր Լոպեսը և Բեն Աֆլեքը վերամիավորվել են տոնական գնումների և դերասանի որդու՝ Ս...