Սլովակիան պատրաստ է С-300 ՀՕՊ համակարգեր տրամադրել Ուկրաինային, բայց այն փոխանակման կարիք ունի․ պաշտպանության նախարար

Սլովակիան պատրաստ է С-300 ՀՕՊ համակարգեր տրամադրել Ուկրաինային, բայց այն փոխանակման կարիք ունի։ Սլովակիան բանակցություններ է վարում ԱՄՆ-ի եւ այլ դաշնակիցների հետ՝ ձեռք բերելու «համապատասխան փոխանակում կամ․․․երաշխավորված հնարավորություններ»։ Այս մասին հայտարարել է Սլովակիայի պաշտպանության նախարար Յարոսլավ Նադը, հաղորդում է CNN-ը։

«Մենք պատրաստ ենք դա անել, երբ համապատասխան փոխանակում ունենանք»,- ասել է նա ԱՄՆ պաշտպանության նախարար Լլոյդ Օսթինի հետ համատեղ մամուլի ասուլիսում։ «Միակ ռազմավարական հակաօդային պաշտպանության համակարգը, որն ունի Սլովակիան,С-300-ն է։ Այնպես որ, երբ մենք որոշենք դա տալ ուկրաինացիներին, փաստացի անվտանգության ճեղք կստեղծենք ՆԱՏՕ-ում»,- հավելել է նա։

Օսթինը նշել է, որ ԱՄՆ-ն շարունակում է այդ հարցով աշխատել դաշնակիցների հետ, սակայն Ուկրաինային С-300 համակարգերի տրամադրման վերաբերյալ հայտարարություններ չունի։