Նավթի գները բարձրանում են՝ նախօրեին 6 տոկոս իջնելուց հետո

Նավթի գները չորեքշաբթի բարձրանում են՝ նախօրեին 6 տոկոս անկումից հետո։

Brent տեսակի նավթի մայիսյան ֆյուչերսների արժեքը Լոնդոնի ICE Futures բորսայում կազմել է մեկ բարելը 101 դոլար, ինչը 1,09 դոլարով (1,09 տոկոս) ավելի է նախորդ օրվա համեմատ։ Երեքշաբթի օրվա աճուրդների տվյալներով՝ այդ գործարքներն էժանացել են 6,99 դոլարով (6,5 տոկոս)՝ հասնելով մեկ բարելը 99,91 դոլարի։

WTI նավթի ֆյուչերսների գինը Նյու Յորքի ապրանքային բորսայի (NYMEX) էլեկտրոնային աճուրդներում կազմում է մեկ բարելը 97,04 դոլար, ինչը 0,6 դոլարով (0,62 տոկոս) բարձր է նախորդ օրվա համեմատ։ Նախօրեին այդ գործարքների արժեքը ընկել էր 6,57 դոլարով (6,4 տոկոս)՝ մեկ բարելը 96,44 դոլար։