Բոլոր հաստատված հումանիտար միջանցնքերը շաբաթ գործել են. Զելենսկի

Ուկրաինայի նախագահ Վլադիմիր Զելենսկին հայտարարել է, որ Ուկրաինայում հաստատված բոլոր հումանիտար միջանցնքերը շաբաթ գործել են: Այդ մասին հաղորդում է «ՌԻԱ Նովոստին»:

«Բոլոր հումանիտար միջանցնքերը, որոնք համաձայնեցվել էին, գործել են: Այսօր հաջողվել է դուրս բերել 12 729 մարդու: Մարիուպոլի համար հումանիտար բեռը պետք է ժամանի վաղը ցերեկը. բարդ երթուղու պատճառով ստիպված էին գիշերել Բերդյանսկում»-պատմել է Զելենսկին:

Ավելի վաղ Ուկրաինայի չվերահսկվող տարածքների վերաինտեգրման հարցերով փոխվարչապետ Իրինա Վերեշուկը հայտարարել է, որ մարտի 12-ին հաջողվել է բնակիչներին տարհանել 14 հումանիտար միջանցքներից 9-ի միջոցով, հաղորդում է Gazeta-ն:

Մարտի 12-ին Ուկրաինայի նախագահ Վլադիմիր Զելենսկին հայտարարել է, որ ուկրաինական զինված ուժերը երաշխավորում են լռության ռեժիմը Մարիուպոլից խաղաղ բնակիչներին տարհանելու համար:

Փետրվարի 24-ին Ռուսաստանի նախագահ Վլադիմիր Պուտինը հայտարարել էր, որ որոշում է կայացրել Դոնբասում հատուկ ռազմական գործողություն անցկացնելու մասին՝ ի պատասխան ԼԺՀ եւ ԴԺՀ ղեկավարների՝ օգնության մասին խնդրանքի:

Ուկրաինան խզել է դիվանագիտական հարաբերությունները Ռուսաստանի հետ: Ուկրաինայի նախագահ Վլադիմիր Զելենսկին Գերագույն ռադայում համընդհանուր մոբիլիզացիայի մասին օրինագիծ է ներկայացրել: