Զոհերի, գերիների, վիրավորների թիվն անշեղորեն աճում է. Նիկոլի խաղաղությունը հենց դա է. Մամիջանյան
Մարտի 9-ին ամբողջ օրվա ընթացքում, այնուհետև ողջ գիշեր Ադրբեջանի զինված ուժերը տարբեր տրամաչափի հրաձգային զինատեսակների, ինչպես նաև ականանետերի կիրառմամբ, պարբերաբար խախտել է հրադադարը։
Հակառակորդի կրակոցից վիրավորում է ստացել քաղաքացիական անձ։ Այս մասին հայտնում է Արցախի ՊԲ-ն։
168 TV-ի «Ռեվյու» հաղորդաշարի եթերում ԱԺ «Պատիվ ունեմ» խմբակցության պատգամավոր Հայկ Մամիջանյանն ադրբեջանցիների կողմից Արցախի ուղղությամբ կրակոցները պայմանավորեց Փաշինյանի հռչակած խաղաղության դարաշրջանի բացմամբ։
«Սա՛ է Փաշինյանի խաղաղության դարաշրջանը։ Ու այսպես է լինելու, քանի դեռ Արցախի և Հայաստանի հանրապետությունները չեն ապացուցել, որ այլ ձև լինելու շանս կա»,- ասաց Մամիջանյանը։
Կառավարության այսօրվա նիստում Նիկոլ Փաշինյանը հրաժարվեց դատապարտել ադրբեջանական ագրեսիան՝ ասելով․«Այս պահին ես որևէ հավելյալ գնահատական տալուց զերծ կմնամ, քանզի մենք Արցախի իշխանությունների ու միջազգային գործընկերների հետ աշխատում ենք իրադրությունը կայունացնելու և կարգավորելու ուղղությամբ»։
Անդրադառնալով Նիկոլ Փաշինյանի այս պահվածքին, Հ․ Մամիջանյանն ասաց․ «Կապիտուլյանտի որդեգրած քաղաքականությունն է դա։ Շառլ Միշելի հետ սվիտերներով հանդիպումը միշտ չէ, որ խնդիրներ է լուծում, բայց սա Փաշինյանը չի հասկանում։ Նա իր հրաժարականից կամ հեռացումից հետո տասնամյակներ շարունակ էլ վնասելու է Հայաստանին ու Արցախին՝ իր իսկ արած հայտարարությունների պատճառով։
Այսօր արդեն ԵԽ-ում Ադրբեջանի դեսպաները հղումներ են անում Փաշինյանի խոսքերին ու ստորագրած փաստաթղթերին։ Մեր դեմ պայքարում են Նիկոլ Փաշինյանի խոսքերով, ու դրանք Հայաստանին տասնամյակներ շարունակ վնասելու են Փաշինյանի չքվելուց հետո»։
Ընդդիմադիր պատգամավորի խոսքով՝ թշնամի պետություններից ինչ-որ մեկը Փաշինյանին ու նրա թիմին արգելել է՝ ինչպես Ադրբեջանի հակահայ գործողությունների, այնպես էլ՝ Շուշիի հռչակագրի դատապարտումն ու Արցախ այցելությունը, իսկ իշխանությունը միայն թմբկահարում է խաղաղության դարաշրջանի բացումը՝ ի հեճուկս հակառակորդի կողմից մեզ վրա ուղղված կրակոցների։
«Իհարկե, ես հասկանում եմ, որ ավելի համակրելի կլինեմ, եթե ասեմ, որ խաղաղություն է լինելու, բայց ուզում եմ, որ քաղաքացիները համադրեն ու տեսնեն, որ զոհերի, գերիների, վիրավորների թիվն անշեղորեն աճում է. բա մեզ պե՞տք է էդպիսի խաղաղություն, չէ՞ որ Նիկոլի խաղաղությունը հենց դա է»,- ասաց պատգամավորը։
Հարցազրույցի մանրամասները՝ տեսանյութում
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...