ԱՊՀ երկրներում բողոքի տրամադրությունները ակտիվացնելու փորձեր են արվում՝ իրավիճակը ապակայունացնելու համար
ԱՊՀ երկրներում ծայրահեղական կազմակերպությունների կողմից բողոքի տրամադրությունները ակտիվացնելու փորձեր են արվում՝ իրավիճակը ընդհուպ պետական հեղաշրջում ապակայունացնելու համար։ Այս մասին ՏԱՍՍ-ին հայտնել են ԱՊՀ-ի Հակաահաբեկչական կենտրոնի մամուլի բյուրոյում՝ Համագործակցության երկրների ազգային հակաահաբեկչական կենտրոնների ղեկավարների XV ժողովում կենտրոնի ղեկավար Եվգենի Սիսոեւի ներկայացրած զեկույցի արդյունքներով:
«Արտաքին սպառնալիքների հետ մեկտեղ Համագործակցության երկրներն այսօր բախվում են նաեւ մի շարք ներքին մարտահրավերների, որոնք առաջին հերթին կապված են հասարակությանը բողոքի տրամադրություններ ներշնչելու եւ իրավիճակն ընդհուպ հեղաշրջում ապակայունացնելու նպատակով դրանք օգտագործելու ծայրահեղական կազմակերպությունների փորձերի հետ,- հայտնել են կենտրոնում,- Դրա օրինակն են հունվարյան իրադարձությունները Ղազախստանի Հանրապետությունում, որտեղ արմատականները փորձեցին օգտվել ժողովրդի դժգոհությունից»։
Միեւնույն ժամանակ, Հակաահաբեկչական կենտրոնը կանխատեսում է տեղեկատվական տարածքում ահաբեկչական եւ ծայրահեղական կազմակերպությունների գործունեության հետագա աճ՝ ներառյալ քարոզչությունը, հավաքագրումը եւ դրամահավաքը, ինչպես նաեւ ապատեղեկատվության օգտագործումը։
Սիսոեւը նաեւ նշել է Համագործակցության երկրների սահմաններին աշխարհում իրավիճակի սրման պատճառով աճող լարվածությունը։
Հակաահաբեկչական կենտրոնը կանխատեսում է Աֆղանստանում հակաթալիբական դիմադրության աճ եւ զենքի, թմրանյութերի ու մարդկանց առեւտրի շուկաների վերաձեւում։
«Կանխատեսվում է, որ ընթացիկ տարում իրավիճակը Աֆղանստանի Իսլամական Հանրապետությունում անկայուն կմնա։ Դրա հնարավոր սրման համար կան մի շարք նախադրյալներ, այդ թվում՝ հումանիտար ճգնաժամի սրումը, հակաթալիբական դիմադրության ուժեղացումը, «Թալիբան»-ի եւ այլ ահաբեկչական խմբերի միջեւ աճող առճակատումը, զենքի, թմրանյութերի եւ մարդկանց առեւտրի հանցավոր շուկաների վերաձեւումը»։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո