ԱՄՆ Պետդեպը դադարեցրել է Մինսկում ԱՄՆ դեսպանատան աշխատանքը

ԱՄՆ-ի Պետդեպարտամենտը դադարեցրել է Մինսկում ԱՄՆ-ի դեսպանատան աշխատանքը, եւ թույլ է տվել Մոսկվայում դեսպանատան երկրորդական նշանակության աշխատակիցների եւ նրանց ընտանիքների անդամների կամավոր մեկնումը։

«Մենք այդ քայլերը ձեռնարկել ենք անվտանգության խնդիրների պատճառով, որոնք կապված են Ուկրաինայի վրա ռուսական զինված ուժերի չհրահրված եւ չարդարացված հարձակման հետ։ Պետական դեպարտամենտը մշտապես կանոնակարգում է իր դիրքորոշումը ամբողջ աշխարհում գտնվող իր դեսպանություններում եւ հյուպատոսություններում իր առաքելությանը, տեղական անվտանգության իրավիճակին եւ առողջապահության իրավիճակին համապատասխան», - նշված է Պետդեպի հայտարարության մեջ։