Գիտնականները հայտնաբերել են երկրաբանական ակտիվության հետքեր Սերեսի խառնարաններից մեկում

Սերես գաճաճ մոլորակը, որը գտնվում է Մարսի եւ Յուպիտերի միջեւ աստերոիդներից կազմված գոտում, հետաքրքրում է գիտնականներին, քանի որ այն ամենամոտ գտնվողն է իր տեսակում, ինչպես նաեւ ունի մի շարք առանձնահատկություններ: Հաղորդվում է, որ Ուրավար անունով մեծությամբ երրորդ խառնարանում հայտնաբերվել են օրգանիկայի եւ աղի հետքեր: Դեռ ավելին, հայտնաբերվել են երիտասարդ երկրաբանական ակտիվության հետքեր: Արդյունքները մանրամասնել է Nature Communications գիտական պարբերականը, գրում է Planet Today-ը:

Ուսումնասիրության հարցում օգնել է Dawn տիեզերական սարքը, որը արձակվել է ՆԱՍԱ-ի կողմից ավելի քան յոթ տարի առաջ: Համարվում է, որ տեսախցիկը ֆիքսել է տեսակները, որոնց տարիքը տարբերվում է մի քանի միլիոնով: Դա կարող է խոսել այն մասին, որ խառնարանները դեռեւս ակտիվ են: Հայտնաբերված վկայություններով նաեւ ենթադրում է, որ գաճաճ մոլորակի մակերեւույթի տակ ջուր կա:

Լուսանկարները նաեւ ցույց են տվել մոլորակի վրա հանքային ձեւավորումների եւ օրգանիկայի նախանշաններ: Գիտնականների խոսքով՝ Սերեսի մակերեւույթին աղը կարող էր ձեւավորվել ճեղքերի միջով աղաջրի ներթափանցման արդյունքում: Դա նույնպես վկայում է գտածոների տարիքի մասին: Սակայն գիտնականները դեռեւս չեն կարող բացատրել օրգանիկ միացությունների հայտնաբերումը: Ավելի վաղ այդպիսի երեւույթ չի դիտարկվել գաճաճ մոլորակի վրա, եզրափակել են գիտնականները: