Արեւի վրա գրանցվել է ամենամեծ բռնկումը

Եվրոպական տիեզերական գործակալության (ESA) մասնագետներին Solar Orbiter զոնդի տեսախցիկի միոջոցվ հաջողվել է գրանցել ամենամեծ արեւային բռնկումը դիտարկումների ամբողջ պատմության ընթացքում: Այս մասին հաղորդվում է կազմակերպության պաշտոնական կայքում։

Աստղագիտական ​​իրադարձությունը տեղի է ունեցել փետրվարի 15-ին, եւ քանի որ բռնկումը եղել է Արեւի հակառակ կողմից, որը շրջված է մեր մոլորակից, Երկրի վրա ազդեցության հետեւանքներ չեն եղել:

Պսակային արտանետումը ֆիքսվել է Full Sun Imager տեսախցիկով, որը նախատեսված է աստղի ամբողջ մակերեսի դիտարկման համար: Գիտնականներին առաջին անգամ հաջողվել է լուսանկարել թե՛ պլազմայի արտանետումները, թե՛ ամբողջ արեգակնային սկավառակը, ինչը հնարավորություն է տվել գնահատել երեւույթի ողջ մասշտաբը։

Աստղագետները կարծում են, որ թեեւ այս բռնկումը մասնիկներ չի ուղարկել Երկիր (ինչը տեխնիկական խափանումների կհանգեցներ), այն կարեւոր հիշեցում է Արեգակի անկանխատեսելիության մասին: Նրանք նաեւ նշել են, որ, ավելի լավ ուսումնասիրելով այսպիսի իրադարձությունները, մենք կարող ենք պաշտպանել մեր մոլորակն արեւային էներգիայի արտանետումների վնասակար հետեւանքներից։