Ոստիկանությունը սկսել է հետաքննել արքայազն Չարլզի բարեգործական գործունեությունը

Սքոթլենդ Յարդը ստուգում է Մախֆուզ Մարեյ Մուբարակ բեն Մախֆուզի՝ բրիտանական կայսրության պատվավոր շքանշաններ ստանալու հանգամանքը․ նա դրա փոխարեն նվիրատվություն էր արել Մեծ Բրիտանիայի Եղիսաբեթ Երկրորդ թագուհու ավագ որդու բարեգործական կազմակերպությանը։

«Հիմնադրամը գործին առնչություն ունեցող բազմաթիվ փաստաթղթեր է ներկայացրել։ Դրանք ուսումնասիրվել են մնացած տեղեկատվության հետ միասին։ Նյութերի վերլուծությունից հետո որոշում է կայացվել հետաքննություն սկսելու մասին»,- ասված է Սքոթլենդ Կարդի հայտարարության մեջ։

The Prince's Foundation-ը, որը վերջին տարիներին ղեկավարել է Մայքլ Ֆոսեթը, նախորդ տարի ներքին ստուգում է իրականացրել։ Առանց սպասելու դրա արդյունքներին Ֆոսեթը որոշում է կայացրել իրեն ազատել այդ պաշտոնից։ Չարլզի գրասենյակում հայտարարել են, որ Ուելսի արքայազնը ոչինչ գիտի այդ սկանդալային պատմության մասին եւ դրա հետ որեւէ առնչություն չունի։ Բրիտանական առաջատար լրատվամիջոցներն այլ կարծիքի են․ Մայքլ Ֆոսեթը նրա առաջին ձեռքն է եղել։ Նրանք հիշել են, թե ինչպես է Մեծ Բրիտանիայի Եղիսաբեթ Երկրորդի ավագ որդին մի անգամ ասել, որ կարող է ապրել գործնականորեն առանց որեւէ մեկի, բացառությամբ Մայքլ Ֆոսեթի։