Պայմանավորված խաղ է գնում ԱՄՆ-ի եւ ՌԴ-ի միջեւ. Ուկրաինայում արդեն սկսում են հասկանալ, որ իրենք դրա զոհն են. քաղաքագետ

Ամբողջ աշխարհի քաղաքական դաշտն ու լավագույն փորձագետները քննարկում են, թե արդյոք Ռուսաստանը կհարձակվի Ուկրաինայի վրա, թե ոչ. այստեղ միանշանակ պատասխան տալը դժվար է, բայց ամենայն հավանականությամբ չի հարձակվի: Այս մասին NEWS.am-ի հետ զրույցում նշեց քաղաքական վերլուծավան Ստեփան Դանիելյանը:

«Այստեղ հարց է առաջանում, թե ինչի՞ համար է այս ամեն ինչը: Ես կարծում եմ, որ այս ամենի տակ շատ խորքային պատճառներն կան: Սա ավելի շատ մեծ քաղաքական խաղ է հիշեցնում, քան այն,ինչը մամուլում տեսնում ենք: Այսինքն մի բան է, թե ինչ են ասում ՌԴ-ի ու ԱՄՆ-ի նախագահները, մեկ այլ բան է, թե իրականում սրա տակ ինչ կա:

Ինձ թվում է՝ բազմաշերտ խաղ է գնում եւ ինչ-որ առումով, կան հիմնավորված կասկածներ, որ այստեղ պայմանավորված խաղ է գնում ԱՄՆ-ի եւ ՌԴ-ի միջեւ: Ամեն մեկն իր հարցերն է փորձում լուծել: Հիմնական հարցերից մեկն այն է, որ նոյեմբերին ԱՄՆ Կոնգրեսում ընտրություններ են տեղի ունենալու, որից որոշվեռլու է, թե երկու տարի հետո նախագահական ընտրություններում հանրապետականները կհաղթեն, թե՞ դեմոկրատները: Հիմա նրանց այսպիսի մի մեծ աղմուկ էր պետք ներքաղաքական ինչ-որ խնդիրներ լուծելու համար: Սկսած նրանից, որ աշխարհում կարող էր մեծ պատերազմ լինել, իսկ Բայդենը դա կանգնեցրեց, ինքը մեծ խաղաղարար է»,-հայտարարեց նա:

Պատճառների մեկը, ըստ նրա, կարող է տնտեսական լինել. «Ուկրաինայից 12,5 մլրդ դոլարից ավելի դուրս է հանվել, օլիգարխները փախչում են, Ռադայի նիստ չեն կարողանում գումարել: Նույնիսկ նախագահը կոչ է արել, որ արգելեն պատգմավորների դուրս գալու հնարավորությունը: Այս ամբողջ հիստերիայի ֆոնին ԱՄՆ-ից նավթի ու գազի արտահանման ծավալները մեծացել են եւ մեծանում են: Այսինքն ԱՄՆ-ն շուկաներ է գրվում:

Հաջորդը, Եվրոպայում նույնպես հետաքրքիր պրոցեսներ են գնում, Ֆրանսիայում ընտրություններ են սպասվում, Գերմանիայում ավելի են ակտիվանում ազգայնականները, եւ այս պատերազմի հիստերիան ուժեցանում է այն ուժերին, որոնք կողմ են, որ ԱՄՆ-ի հետ ավելի սերտ հարաբերություններ կնքեն, քան Ռուսաստանի հետ»,-ասաց Դանիելյանը:

Ինչ վերաբերում է Ռուսստանին, ըստ փորձագետի, ՌԴ-ն ուզում է, որ Ուկրաինան կատարի Մինսկի պայմանավորվածությունները, այսինքն Սահմանադրությանմեջ փոփոխություններ անի, ճանաչի Դոնբասի ինքնավարությունը, ամնիստիա հայտարարի. «Դրանով ՌԴ-ն մեծացնում է իր ազդեցությունն Ուկրաինայում: ՌԴ-ի պահանջները Ամենրիկան, ըտ էության, կատարում է: Դա որոշակի զինատեսակների եւ ՀՈՊ միջոցների տեղադրումից հրաժարվելն է Ուկրաինայում, նաեւ Արեւելյան Եվրոպայում: Ամերիկացիները հայտարարեցին, որ պատրաստ են այդ հարցերը քննարկել: Իսկ այն հիմնական հացրերը, որ Մոկսվան առաջ էր քաշում, որ պետք է հայտարարեն, որ Ուկրաինան չի մտնելու ՆԱՏՕ, դրանք, ըստ էության, երկրորդական են:

Ուկրաինյում արդեն հայտարարություններ են անում, որ պատրաստ են Մինսկի պայմանավորվածությունները կատարեն»,-ընդգծեց Ստեփան Դանիելյանը:

Նա հավելեց, որ Ուկրաինայում, ըստ էության, խուճապ է, այդ երկրում, խոշոր ներդրումային ծրագրեր են կանգնեցվել, ըստ էության, Ուկրաինայի օդը փակվել է, դեսպանատները արդեն Լվով են տեղափոխում. «Այստեղ հարց է առաջանում, թե դա ինչու է արվում: Ուկրաինական հասարակությունում տեսակետներ են առաջ քայլի, որ ԱՄն-ի եւ ՌԴ-ի միջեւ մեծ խաղ է գնում, եւ իրենք զոհի դերում են: Այդ առումով գուցե շտերի մոտ մտածողության փոփոխություն տեղի ունենա, եւ հասկանան, որ միջազգային հարաբերություններում չկան բարեկամներ ու թշնամիներ: Այսպես կոչված թշնամիներն ու բարեկամները կարող են իրար հետ պայմանավորվել, եթե ուժեղ են, եւ դա թույլ երկրների հաշվին է լինում: Ուկրաինայում այդ փոփոխությունը գնում է:

Ուկրաինայում այն մտածողությունը կար, որ իրենց եվրոպացի են, իրենց ԵՄ-ում ընդունելու են, ՆԱՏօ-ում ընդունելու են, դրա համար իրենք պետք է ՌԴ-ի դեմ խաղան, որի համար իրենց ճակատը համբուրլու են, ամեն ինչ տալու են: Կյանքը ցույց է տալիս, որ իրեն ԵՄ եւ ՆԱՏՕ չեն ընդունում եւ իրենց հաշվին գնալու են պայմանավորվեն իրենց հայտարարված թշնամու՝ ՌԴ-ի հետ, որովհետեւ ՌԴ-ն ավելի ուժեղ է եւ լուրջ խաղացող է: Եթե իրենք հասկանան եւ դառնան չեզոք երկիր, ինչպես Ֆինլադիան, Շվեյցարիան, բոլոր կղմերից օգտվել, առնալ բուֆերային երկիր, դրանից կարող է օգտվել»,-ընդգծեց նա: