Փարիզի ոստիկանությունը ձերբակալել է «Ազատության շարասյուն» բողոքի ակցիայի ավելի քան 80 մասնակցի

Փարիզի ոստիկանությունը ձերբակալել է պատվաստման անցագրերի դեմ «Ազատության շարասյուն» բողոքի ակցիայի ավելի քան 80 մասնակցի: Այդ մասին կիրակի հայտնել է BFM հեռուստաալիքը՝ հղում անելով դատախազությանը, հաղորդում է ՏԱՍՍ-ը:

«Ոստիկանության տվյալներով՝ Փարիզի ժամանակով 06.00-ի դրությամբ ձերբակալված է ցույցի 81 մասնակից»,-նշել են դատախազությունում՝ հավելելով, որ ընդհանուր առմամբ շաբաթ բերման է ենթարկվել 97 ցուցարար: Ոստիկանությունն այդ օրը կազմել է 513 տուգանքի արձանագրություն հասարակական կարգը խախտելու համար:

Շաբաթ տեղի ունեցած ցույցերին մասնակցել է ընդհանուր առմամբ 32 հազար մարդ, այդ թվում՝ ավելի քան 7,5 քաղաքացի Փարիզի փողոցներում: Ցուցարարները պահանջել են չեղարկել պատվաստման անցագրերը, որոնք պարտադիր են Ֆրանսիայում սրճարաններ, թանգարաններ մուտք գործելու, ինչպես նաեւ հեռավոր ուղեւորությունների համար: BFM-ի տվյալներով՝ ներկայում ավտոշարասյունն ուղեւորվում է Բրյուսելի ուղղությամբ: