Մեծ Բրիտանիան Ուկրաինա է ուղարկել էլիտար ստորաբաժանումների ավելի քան 100 զինվորականի. The Mirror

Ավելի քան 100 բրիտանական էլիտար զինծառայող տեղակայվել է Ուկրաինայում «ռուսական ներխուժման մասին» լուրերի ֆոնին, հայտնում է The Mirror-ը՝ քաջատեղյակ աղբյուրին հղումով։

Աղբյուրը մանրամասնում է, որ Մեծ Բրիտանիայի վարչապետ Բորիս Ջոնսոնը և Ֆրանսիայի նախագահ Էմանուել Մակրոնը համաձայնության են եկել այն հարցում, որ ՆԱՏՕ-ի արևելյան թևի երկրները պետք է «լիովին պաշտպանված լինեն ռուսական վնասակար գործողություններից»:

Այդ նպատակով բրիտանական հատուկ օդային ծառայությանը (SAS) և հատուկ նավային ծառայությանը (SBS) զինծառայողներն ուղարկվել են Ուկրաինա՝ որպես ռազմական խորհրդականներ:

Աղբյուրը հավելում է, առնվազն 1500 բրիտանացի զինվորական այժմ գտնվում է Էստոնիայում, որը սահմանակից է Ռուսաստանին:

Վերջերս Արևմուտքում և Ուկրաինայում ավելի ու ավելի շատ հայտարարություններ են հնչում Ռուսաստանի՝ իբր ուկրաինական տարածք հնարավոր «ներխուժման» մասին։ ՌԴ նախագահի մամուլի քարտուղար Դմիտրի Պեսկովը նման տեղեկությունները դատարկ և անհիմն լարվածության սրացում է անվանել՝ ընդգծելով, որ Ռուսաստանը ոչ մեկի համար վտանգ չի ներկայացնում։

Միաժամանակ նա չի բացառել նման հայտարարություններն արդարացնելու համար սադրանքների հնարավորությունը, և զգուշացրել է, որ Ուկրաինայի հարավ-արևելքում խնդիրը ուժային ճանապարհով լուծելու փորձերը կունենան ամենալուրջ հետևանքները։