Ալիևի այցը Ուկրաինա` շանտաժի մեսիջ էր ուղղված Մոսկվային
Շատերը զարմացել են, թե ինչու հենց այս պահին, երբ Ռուսաստանի և Արևմուտքի միջև ընթանում են դրամատիկ բանակցություններ, հիմնականում Ուկրաինայի շուրջ, Ադրբեջանի նախագահ Իլհամ Ալիևը որոշեց աշխատանքային այցով այցելել Կիև:
Առաջին հայացքից այս այցի մեջ ոչ մի հակառուսական գործոն չկար և երկու երկրների ղեկավարները հիմնականում քննարկում էին տնտեսական հարցեր: Սակայն հենց այս պահին նման այցը պատահական բնույթ չուներ:
Ուշադրություն դարձնենք այն հանգամանքի վրա, որ այցից առաջ, Ալիևն իր հարցազրույցում դժգոհեց ռուս խաղաղապահներից, տեղակայված Ղարաբաղում, որ իբր լավ չեն վերահսկում թե ովքեր են այցելում Ստեփանակերտ, ակնարկելով ֆրանսիական պատվիրակության այցը և նույնիսկ կշտամբեց ռուսներին, որ վերջիններս շահագրգրվածություն չունեն, որ տեղի հայ բնակչությունը լքի իր հայրենիքը: Ալիևը իր այս խոսքերով, փաստացի, հրապարակայնորեն խոստովանեց, որ իրենց գլխավոր նպատակն է տեսնել ապագայում Ղարաբաղը առանց հայերի:
Ալիևը ոչինչ չասաց վերջին ղազախական դեպքերի վերաբերյալ, սակայն ՀԱՊԿ-ի միջամտությանը ակնարկելով կրկին սպառնաց Հայաստանին, թե հետագայում, «ով էլ որ հայերին փորձի աջակցել, միևնույն է Ադրբեջանը կխափանի այդ ծրագիրը»: Ալիևը ակնհայտորեն ակնարկում էր Մոսկվային: Եվ զարմանալի չէր, որ վերջին հայ-ադրբեջանական բախումից անմիջապես հետո, Ալիևը նյարթայանաց արևմտյան ներկայացուցիչներին բացատրում էր, թե իբր այդ սադրանքի հեղինակը ոչ թե Ադրբեջանն էր, այլ Հայաստանը:
Այսպիսով, Ալիևը դիվանագիտական կզմիթներ անելով ռուսներին, փորձում է սիրաշահել Արևմուտքին, որպեսզի Ղարաբաղի հարցում նրանց տեսակետը փոփոխվի:
Ի դեպ, նույն նպատակն էր հետապնդում նաև Էրդողանի օգնականի այցը Վաշինգտոն: Վերջինս համոզում էր ամերիկացիներին, թե իբր, Փաշինյանի իշխանությունն կուլիսներում համաձայնվել է, որ Ղարաբաղը մնա Ադրբեջանի կազմում և իմաստ չունի այդ հարցում «հայերից ավելի հայմետ դիրք ունենալ»:
Թուրք պաշտոնյաները գրեթե բացահայտ են նշում, որ կուլիսներում նրանք ստացել են Փաշինյանի համաձայնությունը Ղարաբաղի կարգավիճակի հարցում և դրա պատճառով էլ համաձայնվել են սկսել հայ-թուրքական այս վերջին գործնթացը:
Այսպիսով կարող ենք արձանագրել, որ Ալիևը ռուսներից առավելագույնս ստացել է և փորձելով սիրաշահել Արևմուտքին, փորձում է այդ կողմից էլ ստանալ աջակցություն, որպեսզի վերջնականապես, արդեն դիվանագիտական դաշտում կարողանա փակել Ղարաբաղի հարցը և հենց դրանով էր պայմանավորված նրա այցը Ուկրաինա:
Սա՛ է իրականությունը:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...