Քանի Փաշինյանն ու նրա իշխանությունը կառավարող ուժ են, մոռացեք ՀՀ-ի և ԱՀ-ի անվտանգության կամ մեր հայրենակիցների բարեկեցության մասին

Այս իշխանության օրոք, բանակի լուրջ արդիականացում, բարեփոխումներ հնարավոր չէ։ Այս մասին Tert.am-ի հետ զրույցում ասաց Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը՝ հավելելով, որ քանի Նիկոլ Փաշինյանն ու նրա իշխանությունը կառավարող ուժ են, պետք է մոռանալ Հայաստանի ու Արցախի անվտանգության կամ մեր հայրենակիցների բարեկեցության մասին։

-Անվտանգության ապահովման համար 2022 թ-ին առաջնահերթ ի՞նչ միջոցառումներ պետք է իրականացվեն, արդյոք կառավարության ներկայացրած ռազամավարությունը այս ուղղությամբ բավարար համարու՞մ եք։ Բանակի մարտական ոգին վերականագնելու համար հասարակությունը ինչ քայլեր պետք է ձեռնարկի․

-Նախ մինչև հիմա կառավարությունը ռազմավարություն չունի, այն ինչ արտացոլված է կառավարության ծրագրերում այդ ուղղությամբ իշխանությունը որևէ լուրջ քայլ չի իրականացնում: Զինված ուժերի բարեփոխումների հայեցակարգը մինչև հիմա պատրաստ չէ ու դա այն դեպքում, որ 3-4 ամիս առաջ պետք է հաստատված լիներ:

Ինչ վերաբերվում է բանակի ոգու վերականգնմանը, բարձրացմանը, ապա այս իշխանության քաղաքականությունը լրիվ հակառակի մասին է խոսում, ինչի արդյունքը պարտված պատերազմն է, իսկ հետպատերազմական իրավիճակում ՀՀ սուվերեն տարածքների կորուստերն ու տասնյակներով գերեվարման փաստերը:

Այս իշխանության օրոք, բանակի լուրջ արդիականացում, բարեփոխումներ հնարավոր չէ:

-Ի՞նչ վտանգներ են առկա արագացված սահմանազատման և սահմանագծման գործընթացի պարագայում։

Իշխանությունը շարունակ խոսում է սահմանազատման և սահմանագծման գործընթացի մասին, սակայն մինչև հիմա ոչ մասնագիտական, և ոչ էլ քաղաքական հաշվարկ ունի, թե որ դեպքում ինչ արդյունք կլինի:

Առ այս պահը դեռ հայտնի չէ, թե ինչ հիմքերով, ինչ սկզբունքներով է իրականացվելու այդ գործընթացը: Այն ինչի մասին խոսում են իշխանությունը ներկայացնող առանձին դեմքեր Հայաստանի նոր տարածքային, դիրքային և ռազմավարական կորուստներ են բերելու:

-ՀՀ սահմանագծի այն հատվածներում, որտեղ նոյեմբերի 9-ից հետո հայտնվել է նաև թշնամին, ապառազմականացված գոտու անհրաժեշտություն չե՞ք տեսնում։

Ապառազմականացման մասին խոսում եմ արդեն մեկ տարի ու դա առաջին հերթին վերաբերվում է Արցախին: Ինչու Արցախին, որովհետև այնտեղ անվտանգության լրացուցիչ միջոցառումներ իրականացնում են ռուս խաղաղապահները և այնտեղ այդպիսի մեխանիզմների գործարկումն ավել հեշտ ու արդյունավետ կլինի:

Սակայն Ադրբեջանի նպատակը սադրանքների, տարբեր բնույթի ռազմական գործողությունների կամ շանտաժի միջոցով Հայաստանին ճնշելն է, ինչին դիմակայելու ուղղությամբ իշխանություների դիվանագիտական, քաղաքական, ռազմական տեսանկյունից որևէ լուրջ քայլ չեն իրականացնում:

Առհասարակ, երբ խոսում ենք սահմանի ապառազմականացման մասին, դա քայլերի հաջորդականություն է ենթադրում, ինչի ուղղությամբ գործող իշխանությունը որևէ լուրջ գործողություն չի իրականացնում:

-Արցախի անվտանգության ապահովումը ինչպես եք պատկերացնում, Նիկոլ Փաշինյանի վերջին հայտարություններից հետո շատերը մտահոգություն են հայտնում, որ ՀՀ-ն ձեռքերը այս հարցում է փորձում է լվանալ և ողջ պատասխանվությունը դնել ռուս խաղաղապահների ուսերին։

Քանի Նիկոլ Փաշինյանն ու նրա իշխանությունը կառավարող ուժ են, մոռացեք Հայաստանի ու Արցախի անվտանգության կամ մեր հայրենակիցների բարեկեցության մասին:

Այս թեմայով Այսօր առկա մեծ թվով խնդիրները դրդել կամ դրդում են շատ արցախցիների հեռանալ նաև Հայաստանից. Տիգրան Աբրահամյան Ավիրողների, հանձնողների, պարտվողների իշխանությունը նոր «բարձունքներ է» գրավում. Տիգրան Աբրահամյան Ադրբեջանցիները օրը ցերեկով, բառիս բուն իմաստով շրջում են երկրի ներսում, մարդ սպանում, իսկ իրենք «ոչինչ չի եղել դեմքով» այլ օրակարգեր են լցնում. Տիգրան Աբրահամյան ՊԲ նախկին հրամանատար Ջալալ Հարությունյանը պետք է պարզ հարցի պատասխանի` ներկայացրել է՞ ԳՇ պետին ճշգրիտ իրավիճակը Ադրբեջանցիները մի քանի տասնյակ կմ ճակատով ընդլայնման, տեղակայման, ամրաշինական աշխատանքներ են իրականացնում. Աբրահամյան