Լավրով․ Ռուսաստանն առաջարկում է անվտանգության նոր համակարգ ստեղծել
Անվտանգության երաշխիքների վերաբերյալ Ռուսաստանի առաջարկներն ուղղված են պայմանավորվածությունների նոր համակարգի ստեղծմանը եւ իրավական ձեւակերպմանը՝ հիմնված ռազմական գերազանցության հասնելու փորձերից հրաժարվելու սկզբունքի վրա։ Այս մասին ՌԻԱ Նովոստիին ասել է ՌԴ արտգործնախարար Սերգեյ Լավրովը։
Նա նշել է, որ ԱՄՆ-ի հետ պայմանագրի եւ ՆԱՏՕ-ի հետ համաձայնության նախագծերը «փաթեթային բնույթ ունեն, որոնք կոչված են բացառելու ՆԱՏՕ-ի հետագա ցանկացած առաջխաղացում դեպի արեւելք եւ ՌԴ սահմանների մոտ սպառազինության համակարգերի տեղակայումը, որոնք սպառնալիք են ներկայացնում։
«Մեր առաջարկներն ուղղված են համաձայնագրերի նոր համակարգի ստեղծմանը եւ իրավական ձեւակերպմանը՝ հիմնված անվտանգության անբաժանելիության եւ ռազմական գերակայության հասնելու փորձերի մերժման սկզբունքի վրա, որը միաձայն հավանության է արժանացել 1990-ականներին եվրաատլանտյան բոլոր երկրների ղեկավարների կողմից։ Ուզում եմ ընդգծել, որ մեզ անհրաժեշտ են իրավաբանորեն պարտավորեցնող երաշխիքներ, քանի որ մեր արեւմտյան գործընկերները սիստեմատիկորեն չեն կատարում քաղաքական պարտավորությունները, էլ չեմ խոսում խորհրդային եւ Ռուսաստանի ղեկավարությանը տրված բանավոր հավաստիացումների եւ խոստումների մասին»,-հավելել է նախարարը։
Դեկտեմբերի 17-ին Ռուսաստանը հրապարակել է ԱՄՆ-ի եւ ՆԱՏՕ-ի անդամ երկրների հետ համաձայնագրերի նախագծերը, որոնք ներառում են, մասնավորապես, դրույթներ Եվրոպայում անվտանգության փոխադարձ երաշխիքների, միջին եւ փոքր հեռահարության հրթիռների չտեղակայելու մասին։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Օլեշկիից տարհանված ուկրաինացիները Ուկրաինայում են