ԱՄՆ-ում Բայդենին եւ Օբամային սպանել պլանավորող տղամարդու են ձերբակալել

ԱՄՆ իշխանությունները Այովա նահանգում զինված տղամարդու են ձերբակալել, ով մտադիր էր սպանել ԱՄՆ նախագահ Ջո Բայդենին եւ ԱՄՆ նախկին առաջնորդ Բարաք Օբամային, ինչպես նաեւ` Facebook-ի (այժմ՝ Meta) հիմնադիր Մարկ Ցուկերբերգին, հայտնում է NBC-ն։

Կալիֆոռնիայում սուպերմարկետի 25-ամյա աշխատակից Կուաչուա Բրիյոն Սյունը (Kuachua Brillion Xiong) ձերբակալվել է հինգշաբթի եւ այժմ գտնվում է բանտում, հայտնել են իշխանությունները: Տղամարդու ավտոմեքենայում աշխարհազորայինները հայտնաբերել են AR-15 հրացան, զինամթերք, լիցքավորված պահունակներ, զրահաբաճկոններ եւ առաջին օգնության փաթեթներ:

Հայտնի է, որ Սյունը դուրս էր եկել տնից դեկտեմբերի 18-ին, ըստ իշխանությունների, «ուղիղ Սպիտակ տուն գնալու մտադրությամբ` իշխանության ղեկին գտնվողներին սպանելու համար»:

Տղամարդը քննիչներին հայտարարել է, որ կազմել է «չար մարդկանց» իր «սեփական ցուցակը», որոնց նպատակ ուներ սպանել։ Ցուցակում, բացի Բայդենից, Օբամայից եւ Ցուկերբերգից, ներառված է նաեւ Միացյալ Նահանգների գլխավոր վարակաբան Էնթոնի Ֆաուչիի անունը, նշում է հեռուստաալիքը։
Բողոքի համաձայն՝ Սյունն իր հեռախոսում քարտեզի հավելված էր օգտագործել եւ որպես նպատակակետ ընտրել է Սպիտակ տունը։ Տղամարդը քննիչներին ցույց է տվել Սպիտակ տան տարածքի գծանկարը, «այդ թվում` ենթադրյալ» թույլ տեղը, «նա հայտնաբերել էր հարձակումը պլանավորելիս»:

«Նա հավելել է, որ եթե ազատ արձակվի կալանքից, նա անմիջապես կգնա Սպիտակ տուն… եւ կանի ամեն ինչ, որպեսզի կատարի ծրագիրը: Սյուն ասել է, որ չի պատրաստվում վերադառնալ Կալիֆոռնիա, քանի որ նա նախատեսում է մահանալ Սպիտակ տանը չար դեւերի դեմ պայքարում», - ասվում է դատարանի փաստաթղթում, որը մեջբերում է հեռուստաալիքը:

Իշխանությունները տղամարդուն մեղադրել են ԱՄՆ նախկին նախագահին սպառնալու մեջ, նշում է NBC-ն։