«Արի այրենք Էմբերին». Ջոնի Դեփը «Վրիժառուների» աստղին առաջարկել է սպանել իր նախկին կնոջը

Հոլիվուդյան դերասան Ջոնի Դեփի ընկերը՝ «Վրիժառուների» աստղ Փոլ Բեթանին, մեկնաբանել է դերասանի հետ սկանդալային նամակագրությունը, որը հրապարակվել է դատարանում։ Նրա համար տարօրինակ է, որ «The Sun» թերթը հասանելիություն է ստացել դերասանի՝ տասը տարվա վաղեմությամբ նամակագրությանը։

«Ես կարծում եմ, որ դա, իսկապես, բարդ թեմա է քննարկման համար, եւ իմ խոսքերով ես պարզապես կրակի վրա յուղ են լցնում։ Իմ կարծիքով՝ դա (նամակագրության հրապարակումը) ոչնչացրել է անձնական կյանքի գաղտնիության մասին պատկերացումները։ Մյուսների դեպքում տեքստերի գարշելիությունը ոչնչացրել է հավատն իմ նկատմամբ։ Շատ տարօրինակ էր։ Հանկարծակիորեն Լոնդոնում ամենասանդալին թերթերից մեկի փաստաբանները սկսել են ուսումնասիրել ձեր՝ 10 տարվա վաղեմության հաղորդագրությունները։ Կարո՞ղ եք պատրացնել՝ ինչ է դա»,- Independant-ին ասել է Բեթանին։

Ավելի վաղ հանրության սեփականությունն է դարձել Հոլիվուդի աստղի եւ նրա վաղեմի ընկերոջ՝ Փոլ Բեթանիի նամակագրությունը։ Նրանք այն վարել են 2013թ․-ին՝ Դեպի եւ Հերդի բաժանումից երեք տարի առաջ։

«Արի այրենք Էմբերին»,- գրել էր Ջոնի Դեփը։ Ի պատասխան Փոլն առաջարկել է խեղդել Հերդին։ Դեփն, ի պատասխան այդ հաղորդագրության, առաջարկել է «խեղդել նրան, նախքան այրելը», ապա անարգել մարմինը՝ «համոզվելու համար, որ նա, իսկապես, մահացել է»։