Մի պատմություն, որի մասին եզակիները թերևս գիտեն
Հայկ Մարտիրոսյանը ֆեյսբուքյան իր էջում գրել է.
«Մի պատմություն, որի մասին եզակիները թերևս գիտեն:
2015-16 թթ. Ժիրայր Լիպարիտյանը փորձել էր Հայաստան գալ: Օդանավակայանում հայտնաբերել էր, որ իր մուտքն արգելված է: Հետ էին ուղարկել ԱՄՆ: Սկսել էր լոբբինգ անել: Գործընթաց էր ներգրավվել նաև ԱԳ նախարար Էդիկ Նալբանդյանը և միայն Սերժ Սարգսյանի անձնական թույլտվությամբ էր արգելքը հանվել: Բայց Լիպարիտյանը Հայաստանում ելույթներ չէր ունեցել, մամուլի չէր արժանացել:
Թե ինչու էին արգելել ու հետո ինչու էր Սերժը թույլատրել` հայտնի չէ: Թերևս կարելի է միայն կռահել: Հայտնի է փոխարենը, որ Լիպարիտյանը Ամերիկայում հակահայկական և պրոթուրքական սերունդներ կրթելուց հետո, նաև` Լիհայի համալսարանի դասախոս արմանգրիգորյաններ «արտադրելուց» հետո հիմա իշխանությունից իր հեռանալուց հետո առաջին անգամ է երկար դադարից հետո անցել Հայաստանում հայերին պրոթրքականություն և հակահայություն քարոզելու պիղծ, բայց ցավոք արդյունավետ գործին:
Ընդհանուր մեծ պլանի մի մաս է: Թշնամուն անհրաժեշտ է երկիրը քանդել նաև ներսից ու հայ ժողովրդին համոզփլ, որ ինքնասպանության դեղահաբը իր խնդիրների միակ լուծումն է: Եվ Արցախի կորստյան ու Հայաստանի պարտության գլխավոր գաղափարախոսը, որ Լևոն Տեր-Պետրոսյանի գաղափարական ավագ հոգեղբայրն է ու անցյալ տարվա մինչ այսօր շարունակվող աղետի հիմքերի ամենաառանցքային հիմնադիրներից, հիմա եկել է երեսուն տարի առաջ իր սկսած գործը ավարտին հասցնելու:
Եվ ո´չ: Նա ամերիկյան գործակալ չէ: Ճի´շտ հակառակը:
Բայց ամենասարսափելին այն չէ, որ համատարած դեգրադացիայի ու կործանման մթնոլորտում կործանիչն այցելում է իր արած ավերի վայր: Սարսափելին այն է, որ մամուլն ու լրատվամիջոցներն առատորեն լուսաբանում են նրան, խոսափող տալիս և հանրային լսարան տրամադրում: Այսպես վաղը գորշ գայլերի առաջնորդին են լսելու, լուսաբանելու և հարգանքով հարցեր տալու:
Թշնամական պրոպագանդայի խոսափողների վերածված լրատվամիջոցներն ապագայում ազատելու ենք իրենց պատվիրատուներից, որ դառնան հայկական ու իրապես անկախ, իսկ լևոնիզմ-լիպարիտյանիզմը հիմնահատակ ավերելու ենք:
Լիպարիտյանի առջև Հայաստանի դռները բաց ենք պահելու, որ գա և օրենքի առջև պատասխան տա: Վստահ ենք, որ չի գա: Իր նյուրեմբերգյան դատին նա տղամարդկություն չի ունենա ներկա լինելու:
Իր անունն էլ դարձնելու ենք ազգակործանության և դավաճանության հոմանիշ:
Իսկ առայժմ դավաճանների բանակների ավերի ժամանակն է: Ու այդ բանակը կասեցնելով ենք մենք զբաղված:
Իսկ վաղը` ... վաղը պետություն ենք կառուցելու: Ավերակների վրա, ավերակներից հառնող, բայց պետություն: Ուժեղ պետություն: Մենք դա անելու ենք»:
Այդ հայտարարությունները օգտակար չեն խաղաղության համատեքստում
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
KIDS Act օրենսդրական նախաձեռնությունը սահմանում է նվազագույն տարիքային շեմ
Էդգարիկը ոչ մի բարոյական իրավունք չունի․․․ (տեսանյութ)
Երգչուհի Սելին Դիոնը Փարիզում կայացած համերգի ժամանակ հուզվել է
Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը
Օգտագործեք միայն համայնքի տրամադրած կամ շշալցված ջուր. Ավանեսյանը՝ Ծավի բնակիչներին
Բյուրականի աստղադիտարանում աշխատանքը կսկսի «Մեր անկայուն տիեզերքը» միջազգային սիմպոզիումը
Ավստրիան մերժել է Իրանի փոխնախագահի մուտքը Վիեննա՝ մասնակցելու ԱԷՄԳ-ի համաժողովին
Պեսկովը հայտարարել է նավթի շուկայում իրավիճակի կտրուկ վատթարացման մասին