Սարիկ Անդրեասյանի «Չիկատիլոն» եւ «Նախկինները». հայտարարվել են ամենահանրաճանաչ սերիալների անունները

«Кино-Театр.Ру» կայքը հրապարակել է 2021թ․-ի ամենահանրաճանաչ ռուսական սերիալների անունները։ Ցանկը կազմվում է ըստ էջերի դիտումների, որոնք նվիրված են այս կամ այն նախագծին, հայտնում է «Российская газета»-ն։

Ամենապահանջված շուների ցանկը գլխավորում է «Նախկինները» նախագծի երրորդ եթերաշրջանը։ Դրա էջն ամենաշատ դիտումներն ունի։ Երկրորդ տեղում «Չիկատիլո», երրորդում՝ «Хрустальный» սերիալն է։ Դրանց հաջորդում են «За час до рассвета», «Угрюм-река», «Содержанки-3», «Медиатор», «Вампиры средней полосы», «Клиника счастья», «Склифосовский» (8-րդ եթերաշրջան) նախագծերը։

«Այս տարի մենք հիացմունքով ու զարմանքով արձանագրում ենք առցանց հարթակների հաղթանակը հեռուստաալիքների նկատմամբ։ Եթե դեռ 2020թ․-ի արդյունքներով՝ մեր տասնյակում հորիզոնականների մեծ մասը պատկանում էր հեռուստասերիալներին, այս անգամ մենք տեսնում ենք, որ բոլոր հայրենական հարթակները զուր չեն աշխատում»,- հայտարարել է կայքի գլխավոր խմբագիր Ժան Պրոսյանովը։