«Մենակ խնդրում եմ՝ մի ասեք, որ դա պատահականություն է». Արթուր Խաչատրյանը՝ Վարդենիսում տեղի ունեցածի մասին

Դուք երեք թվեր էիք հրապարակում, ես այս 30 տարիների ընթացքում առնվազն 3 դեպք գիտեմ, որ կուսակցությունները, որոնք ինչ-որ մի պահի շատ ձայներ էին հավաքում, այդ դիրքերից էին խոսում, ասում էին՝ մենք այսքան, ՀՅԴ-ն 5 տոկոս, 10 տոկոս: Այս մասին այսօր՝ դեկտեմբերի 10-ին, ԱԺ-ում հայտարարեց «Հայաստան» խմբակցության պատգամավոր, ՀՅԴ անդամ Արթուր Խաչատրյանը:

Նա, մասնավորապես, նշեց. «Ո՞ւր են նրանք հիմաԷնպես որ ես զգուշացնում եմ, ուղղակի հորդորում եմ ձեռնպահ մնալ այդ հռետորաբանությունից եւ նաեւ հաշվի առնել թրենդը: Թրենդը շատ ավելի վատ է, քան երեւի տվյալ պահին գրանցված արդյունքները»:

Անդրադառնալով Վարդենիսում տեղի ունեցող զարգացումներին նա նկատեց. «Նաեւ չեմ կարող չարձանագրել այն, ինչ տեղի է ունենում Վարդենիսում: Տեղական ընտրություններում հավանաբար ոչ բաղձալի արդյունք գրանցելուց հետո մեկ էլ հանկարծ քրեական գործ է հարուցվում ընդդիմադիր բլոկներից մեկի ղեկավարի նկատմամբ, որոնք մեծամասնություն էին ստացել ընտրություններում: Մենակ խնդրում եմ՝ մի ասեք, որ դա պատահականություն է, մի ասեք, որ դա Հայաստանում, մեղմ ասած, ոչ ժողովրդավարական զարգացումների եւս մի դրսեւորում չէ:

Այն, ինչ տեղի է ունենում Վարդենիսում, խիստ արգահատելի է, անթույլատրելի է եւ երկրի ու սերունդների նկատմամբ հանցագործություն է»,-ասաց նա: