Ալեն Սիմոնյանի մոտ փայլուն ստացվում է միայն պետբյուջեի հաշվին հարստանալը և նոր պադավատ ունենալը. Արեգնազ Մանուկյան

Տեղյա՞կ եք, թե ադրբեջանական լրատվամիջոցների գլխավոր հերոսն ամենաօրյա ռեժիմով ով է. Ձեր առաջնորդ Նիկոլ Փաշինյանի նկարը Հաքին.ազ-ը էջերից չի իջնում, գոնե ամաչեք: Այս մասին, այսօր՝ դեկտեմբերի 7-ին, ԱԺ-ում հայտարարեց «Հայաստան» խմբակցության պատգամավոր Արեգնազ Մանուկյանը՝ դիմելով իշխանական պատգամավորիներին:

Նա հիշեց, որ մի ժամանակ Ալեն Սիմոնյանը, նրա և ՔՊ-ականների առաջնորդը խոսում էին պաշտոնյաների բարեկամների հաջողված բիզնեսների մասին ու հայտարարում, որ նրանք պետական միջոցներ են յուրացնում, պետական տենդերներ են հաղթում, թալանում են, դրա համար էլ հարստանում են. «2018-ի իշխանափոխությունից անցել է 3 տարի և ձեր ասածները հաստատող որևէ կոռուպցիոն դեպք չեն բացահայտել։ Դա նշանակում է, որ կամ նախկինում ստել եք կոռուպցիայի թեմայով և փորձել աչոկներ հավաքել, կամ չեք ստել, պարզապես հիմա դուք եք նույն գործով զբաղվում»,- ասաց ընդդիմադիր պատգամավորը։

Ա. Մանուկյանը նշեց, որ իշխանափոխությունից հետո լավացել են Ալեն Սիմոնյանի ընտանքի անդամների և նրա շրջապաաի գործերը. «Նրա եղբայրը «Եվրո ասֆալտ» ընկերությունում տնօրեն է դարձել 2020 հուլիսին, դրանից հետո այդ կազմակերպությունը սկսել է երջանիկ պատահականությամբ սկսել է ասֆալտի տեդերներ շահել և պետբյուջեի հաշվին հարստնալ։

Ի դեպ, օրերս Ալեն Սիմոնյանը թուրքամետ կայքերից մեկին տված հարցազրույցի ժամանակ արդարացել էր, թե իր դեմ քարոզարշավ են կազմակերպում, քանի որ արդյունավետ հանդիպումներ է ունենում դրսում, փայլուն հարաբերություններ հաստատում, մասնավորապես, ՌԴ ԱԳ նախարար Սերգեյ Լավրովի հետ։ Թե ինչքանով են այդ հարաբերությունները փայլուն, պարզվեց 3 օր առաջ, երբ ՌԴ արտգործնախարարությունից նրան մեղադրեցին երևակայական, այսինքն գոյություն չունեցող «Լավրովի պլանին» հղում անելու համար։

Դա, մեղմ ասած, դիվանագիտական ապտակ էր։ Ահա սա էր նրա փայլուն հարաբերության և արդյունավետ աշխատանքի գնահատականը։

Փայուն և արդյունավետ նրա մոտ սատցվում է միայն ասֆալտի տենդերները շահելը, պետբյուջեի հաշվին հարստանալն ու նույն պետբյուջեի հաշվին նոր պադավատ ունենալը»,-ընդգծեց Արեգնազ Մանուկյանը: