Աշխատանքից ազատվելուց հետո ամերիկուհին 3.3 մլն դոլար է շահել վիճակախաղով

ԱՄՆ Կոլորադո նահանգի բնակչուհին վիճակախաղով 3.3 մլն դոլար է շահել աշխատանքից ազատվելուց հետո:

Ինչպես հայտնում է Lenta.ru-ն, ամերիկուհին, ում անունը չի նշվում, վիճակախաղի տոմսեր է գնել 30 տարի շարունակ: Նախկին բուժքույրը աշխատանքից հեռացել է հունվարի կեսերին` պատկերացում չունենալով, թե ինչ է անելու ապագայում: Ամերիկուհին հասկանալով, որ չափազանց շատ է հոգնել իր ծառայությունից, որոշել է այլևս չզբաղվել այդ աշխատանքով:

Աշխատանքից դուրս գալուց մի քանի շաբաթ անց նահանգի տարածքում իրականացվող խաղարկության կայքում ամերիկուհին տեղեկացել է, որ ջեքփոթ է շահել: Հաղորդվում է, որ ստացած գումարով ամերիկուհին և նրա ամուսինը մտադիր են վերանորոգել իրենց տունը:

tert.am