Մահացել է ռեժիսոր Վլադիմիր Նաումովը, որը նկարահանել է հայ լեգենդար հետախույզների մասին «Թեհրան 43» ֆիլմը
94 տարեկանում մահացել է ԽՍՀՄ ժողովրդական արտիստ, խորհրդային «Թեհրան-43» եւ «Վազք» ֆիլմերի հեղինակ Վլադիմիր Նաումովը։ Այս մասին հայտնում է RBC-ն՝ վկայակոչելով Ռուսաստանի կինեմատոգրաֆիստների միությանը։
Նաումովը ռեժիսոր Ալեքանդր Ալովի հետ նկարահանել է նաեւ «Լեգենդ Տիլի մասին», «Գարշելի զավեշտ» ժապավենները։
1983թ․-ին Նաումովին ԽՍՀՄ ժողովրդական արտիստի կոչում է շնորհվել։ 2007թ․-ին ռեժիսորին պարգեւատրել են «Հայրենիքին մատուցած ծառայությունների համար» 2-րդ աստիճանի մեդալով։
«Թեհրան 43» գեղարվեստական ֆիլմը պատմում է «Երկար թռիչք» օպերացիայի մասին․ գերմանական օպերացիայի նպատակն էր 1943թ․–ի Թեհրանի համաժողովի ընթացքում սպանել հակատիտլերյան կոալիցիայի ղեկավար «մեծ եռյակին»՝ Իոսիֆ Ստալին, Ուինսթոն Չերչիլ եւ Ֆրանկլին Ռուզվելտ։
Խորհրդային հետախույզ Գեւորգ Վարդանյանն Իվան Աղայանցի ղեկավարությամբ Թեհրանում գործակալների փոքր խումբ հավաքեց։ Վարդանյանի խումբը, որում ներառված էր նաեւ նրա ապագա կինը՝ Գոհարը, խափանել է Մեծ եռյակի առաջնորդների նկատմամբ գերմանացի նացիստների մահափորձը, հետագայում մասնակցել բազմաթիվ այլ օպերացիաների, որոնցից շատերը մինչ այժմ գաղտնի են պահվում։
Որոշ հասցեներում 24 ժամ լույս չի եղել, ևս 24 ժամ հնարավոր է չլինի
Էլեն Բադալյանն ու ֆուտբոլիստ Հրանտ Ռանոսը նշանադրվել են
Կամ պայմանավորվում ենք՝ երբ ենք ստորագրում, կամ չենք պայմանավորվում․ Միրզոյանը՝ խաղաղության համաձայն...
Ամերիկյան կողմի հետ շատ ինտեսիվ աշխատում ենք և 2026թ. երկրորդ կեսին գետնի վրա կունենանք շինարարությո...
Հունվարի 1-ի բոլոր կարեւոր լուրերը
Մենք հիանալի հանդիպում ունեցանք․ մենք մոտ ենք, գուցե նույնիսկ շատ մոտ․ Թրամփ
Առնոլդ Շվարցենեգերը վերամիավորվել է Մարիա Շրայվերի հետ տոների ժամանակ՝ իրենց սկանդալային ամուսնալուծ...
Հայտնի է սպորտի ոլորտում «Հանդիսատեսի համակրանք» անվանակարգի հաղթողը
Շատ արդյունավետ հեռախոսազրույց ունեցա Պուտինի հետ. Թրամփ
Ռուսաստանը 9 միլիարդ դոլար է հատկացրել Թուրքիային