Հայտնի է դարձել Ալեքսանդր Գրադսկու մահվան պատճառը

Երգիչ եւ կոմպոզիտոր Ալեքսանդր Գրադսկին մահացել է ուղեղի կաթվածից, հաղորդում է РЕН ТВ-ն: Նոյեմբերի 26-ին արտիստը շտապ հոսպիտալացվել էր Մոսկվայում։ Հաղորդվում էր, որ նա տանը վատ է զգացել, բժիշկները ինսուլտ են կասկածել։

Մեր տեղեկություններով՝ 72-ամյա ժողովրդական արտիստը եղել է նեյրոնիմացիայի բաժանմունքում։ Նրա մոտ գլխուղեղի կաթված է եղել (իշեմիկ ինսուլտ), — ասված է հաղորդագրության մեջ:

Ավելի վաղ արտիստի շրջապատի աղբյուրը պատմել էր, որ Գրադսկին 2021 թվականի սեպտեմբերին կորոնավիրուսով հիվանդանալուց հետո իրեն շատ վատ է զգացել: Հոկտեմբերի վերջին նա երեք շտապօգնություն է կանչել տուն, իսկ մի անգամ բժիշկները ստիպված են եղել նրան այցելել երկու անգամ: Նա հավելել է, որ Գրադսկին նաեւ հաճախ է մտերիմներին բողոքել ոտքերի ցավերից:

Ալեքսանդր Գրադսկին մահացել է նոյեմբերի 28-ի գիշերը՝ 72 տարեկան հասակում: