Մեքսիկայի հետ սահմանին պատի կառուցումը Թրամփին կարժենա 21.6 մլրդ դոլար. զեկույց

Միացյալ Նահանգների ներքին անվտանգության դեպարտամենտի ներկայացրած զեկույցում նշվում է, որ Մեքսիկայի հետ սահմանի երկայնքով նախագահ Դոնալդ Թրամփի առաջարկած պատի կառուցման համար կծախսվի 21.6 մլրդ դոլար:

Ինչպես նշում է Reuters-ը, բացի այդ, փաստաթղթում ասվում է, որ խնդրահարույց պատը կանգնեցնելու համար կպահանջվի 3.5 տարի:

Աղբյուրը հիշեցնում է, որ իր նախընտրական քարոզարշավի ժամանակ Թրամփը հայտարարել էր, որ պատը կառուցելու համար 12 մլրդ դոլարը բավական է, մինչդեռ զեկույցի տվյալները միանգամայն այլ են:

Զեկույցի հեղինակները նկատել են, որ շինարարական աշխատանքներն այս տարվա սեպտեմբերին սկսելու դեպքում, դրանք կավարտվեն 2020թ. վերջին:

Ընդհանուր առմամբ, հարկավոր կլինի պատ կառուցել 2.000կմ երկարությամբ տարածության վրա: Հայտնի է, որ ներկայում Մեքսիկայի հետ սահմանի 1.046 կմ-ը կառուցապատված է:

Հիշեցնենք, որ ավելի վաղ նախագահ Թրամփը հայտարարել էր, որ կստիպի Մեքսիկայի իշխանություններին վճարել պատի կառուցման համար: Մինչդեռ պաշտոնական Մեխիկոն հակադարձել էր՝ նշելով, որ երբեք նման բան չի անի:

tert.am

Այս թեմայով Թրամփը Կոնգրեսի թույլտվությունը պարտադիր չի  համարում ամերիկացիներին 5000-ական դոլար վճարելու համար Թրամփը հայտարարել է, որ չի զղջում Իրանի դեմ պատերազմի համար Թրամփը հանձնարարել է կրճատել Հարավային Կորեայի հետ համատեղ զորավարժությունները Թրամփը ծրագրային ելույթ կունենա Տեխասում կայանալիք Հանրապետականների համագումարում․ AP Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակելի մոդելի